Э. Раҳмон. Нигоҳе ба таърих ва тамаддуни ориёӣ

Китоби Асосгузори сулҳу ваҳдат – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон «Нигоҳе ба таърих ва тамаддуни ориёӣ» (2006) нигоҳи навест ба таърихи тамаддуни ориёӣ ва давлатдории ориёитаборон. Он давоми мантиқии асарҳои илмӣ ва баромадҳои барномавии Президенти кишвар: асари сегонаи «Тоҷикон дар оинаи таърих. Аз Ориён то Сомониён» (1996, 1999, 2002), «Давлатдории тоҷикон: аз Сомониён то оғози асри XXI» (Суханронӣ бахшида ба иди Истиқлол ва 1100-солагии Давлати Сомониён — 8 сентябри соли 1999), «Тоҷикистон: дар роҳи демократия ва ҷомеаи мутамаддин» (1996), «Наврӯз – шиносномаи миллат» (Суханрониҳо дар ҷашнҳои наврӯзӣ) ва д. буда, бо ин асарҳо ӯ раванди бозбинии таърихи тоҷиконро, ки Аллома Бобоҷон Ғафуров оғоз бахшида буд, идома додааст.

Матни асар аз рӯйи китоби «Раҳмонов Эмомалӣ. Нигоҳе ба таърих ва тамаддуни ориёӣ. – Д.: Ирфон, 2006. – 372 с.» дар намуди сомонавӣ нашр мешавад. Барои осонии корбурд тавзеҳоти ҳар боб ё зербоб алоҳида оварда шуд.