Аҳмад Зоҳир. ВГҒД. Сиву ҳафт суруд


Ahmad_Zohir

Аҳмад Зоҳир

А  Б  В  Г  Ғ  Д  Ё  З  И  К  Қ  Л  М  Н  О 
П  Р  С  Т  У  Ф  Х  Ҳ  Ч  Ҷ  Ш  Я 

Вой, ман беҳудаам, беҳудаам дар корҳо,
Оҳ, ман уфтодаам, уфтода чун беморҳо.
Холиям, холитар аз як хоб ё аз як сукут,
Ай шумо, аз зиндагӣ лабрезҳо, саршорҳо!
Дӯстонам одамакҳо, одамакҳоям гилӣ,
Душманонам гургҳо, кафторҳо, хунхорҳо…
Рӯзҳоям, ҳафтаҳоям, солҳоям чист? Чист?
Достоне куҳна бо тақлидҳо, такрорҳо!

 

Барои фаро кашидан ё шунидани сурудҳо дар намуди mp3 метавонед ба ин саҳифа муроҷиат кунед.

1/88

Вақте ки дил танг аст

Таҳрири охирини матн 21.06.2020

Аз Music_Centre_Vol-04
Ahmad Zahir Ba Sitara Haa:

Вақте ки дил танг аст, фойдаш чист озодӣ?
Зиндагӣ зиндон аст, вақте набошад шодӣ.
Одам, ки ғамгин аст, дунё барош зиндон аст,
Дар байни сад милюн боз ҳам танҳо мемона.

Дунёи зиндонӣ девор аст,
Зиндонӣ аз девор безор аст.

Паранда, ки болаш месӯзад,
Дили ғам ба ҳолаш месӯзад.
Охир марг аст барояш раҳоӣ,
Паранда, ки болаш месӯзад.
(2)

Дунёи зиндонӣ девор аст,
Зиндонӣ аз девор безор аст.

Вақте ки дил танг аст, фойдаш чист озодӣ?
Зиндагӣ зиндон аст, вақте набошад шодӣ.
Дар дунё ҳар куҷо парандае асир аст,
Вақте ки мехона, одам дилаш мегира.

Дунёи зиндонӣ девор аст,
Зиндонӣ аз девор безор аст.

Шеър аз Ҳамидии Мусаддиқ

Вале аз ту ҷавобе нашунидам, нашунидам — ниг. 17/277 Чӣ беҳуда, чӣ сода

2/89

Вой, борон, борон

Таҳрири охирини матн 20.06.2020

Аз Radio_Album5:

Вой борон, борон, вой борон, борон, вой борон, борон.
Шишаи панҷараро борон шуст, аз дили ман, аммо
Чӣ касе нақши туро хоҳад шуст, чӣ касе?.
Вой борон, борон, вой борон, борон, вой борон, борон.
Чор фаслаш ҳама оростагист,
Ман чӣ медонистам, ман чӣ медонистам, ман чӣ медонистам.
Ҳайбати боди зимистонист,
Ман чӣ медонистам, ман чӣ медонистам, ман чӣ медонистам.
Сабза мепажмурад аз беобӣ,
Беобӣ, беобӣ, беобӣ, беобӣ, беобӣ, беобӣ.
Вой борон, борон, вой борон, борон, вой борон, борон.
Оҳ, чӣ рӯъёе, ки табаҳ гашт,
Оҳ, чӣ пайванди самимиятҳост.
Чӣ умеди ботиле, чӣ умеди ботиле, чӣ умеди ботиле.
Дили ман месӯзад аз беобӣ,
Беобӣ, беобӣ, беобӣ, беобӣ, беобӣ, беобӣ.
Вой борон, борон, вой борон, борон, вой борон, борон. (2)

Шеър аз Ҳамидии Мусаддиқ

3/90

Вой, ман беҳудаам

Таҳрири охирини матн 21.06.2020

Аз AM_Album_14 Shab-e Hijraan:

Вой, ман беҳудаам, вой, ман беҳудаам, беҳуда дар корҳо,
Дар корҳо,
(2)
Оҳ ман уфтодаам, оҳ ман уфтодаам, уфтода чун беморҳо,
Беморҳо.
(2)

Холиям, холитар аз як хок ё аз як сукут,
Аз як сукут,
(2)
Ай шумо, аз зиндагӣ, ай шумо, аз зиндагӣ лабрезҳо, саршорҳо,
Саршорҳо.
Вой, ман беҳудаам, вой, ман беҳудаам, беҳуда дар корҳо,
Дар корҳо,
Оҳ ман уфтодаам, оҳ ман уфтодаам, уфтода чун беморҳо,
Беморҳо.

Рӯзҳоям, ҳафтаҳоям, солҳоям чист, чист,
Чист, чист,
(2)
Достони куҳна ё достони куҳна ё тақлидҳо, такрорҳо,
Такрорҳо.

Вой, ман беҳудаам, вой, ман беҳудаам, беҳуда дар корҳо,
Дар корҳо,
Оҳ ман уфтодаам, оҳ ман уфтодаам, уфтода чун беморҳо,
Беморҳо.
(2)

МАТНИ ШЕЪР:
Вой, ман беҳудаам, беҳудаам дар корҳо,
Оҳ, ман уфтодаам, уфтода чун беморҳо.
Рӯзу шаб мерӯяму рӯйиданам ин аст, ин
Шохаҳои оҳакӣ дар зери сақфи ғорҳо.
Дар кавире сахт сӯзон мояи навмедӣ аст,
Устухоне монда боқӣ аз тани мурдорҳо.
Лошахорон дар танам ковидаву нодида ҳеҷ,
Хашмгин кӯбида бар ҳам болҳо, минқорҳо.
Холиям, холитар аз як хоб ё аз як сукут,
Ай шумо, аз зиндагӣ лабрезҳо, саршорҳо!
Дӯстонам одамакҳо, одамакҳоям гилӣ,
Душманонам гургҳо, кафторҳо, хунхорҳо…
Рӯзҳоям, ҳафтаҳоям, солҳоям чист? Чист?
Достоне кӯҳна бо тақлидҳо, такрорҳо!
Ай, ки чашмандози сабзе дидаӣ, овоз деҳ,
То ҷавобам бишнавӣ аз пушти ин деворҳо.

Шеър аз Симини Беҳбаҳонӣ

Бозмондаҳо аз бандҳои А, Б

4/91

Аз ёдат ман бирафтам
(Оҷа ре аб мера дил пукара)

Таҳрири охирини матн 05.08.2020

Аз ?Албум Vol-01

ва Mahfeli 2:

Аз ёдат ман бирафтам,
Зебои хубрӯён,
Гаштам ба боғи…
Ёдат…
Оҷа ре аб мера дил пукара
Ру ру ке ғам биҳара
Бадном на ҳу пяр мера ҳе-е
О-о-…
Даст ба дасти рақибон додаӣ, (2)
Шаб ба базми ҳарифон рафтаӣ. (2)
Ман ба ёди ту шабҳо сӯхтам, (2)
Раҳм накардӣ ба ҳолам, бевафо.

Ёдат…
Аз ёдат ман бирафтам,
Зебои хубрӯён,
Гаштам ба боғи …
Ёдат…
(2)
Даст ба дасти рақибон додаӣ, (2)
Шаб ба базми ҳарифон рафтаӣ. (2)
Ман ба ёди ту шабҳо сӯхтам. (2)

Ёдат…
Аз ёдат ман бирафтам,
Зебои хубрӯён,
Гаштам ба боғи …
Ёдат…
Донам, аз ёдат ман бирафтам,
Зебои хубрӯён,
Гаштам ба боғи …
Ёдат…
О-о…
Ман ба номи ту хоҳам ин ҷаҳон, (2)
Рӯзи ман шуд сиёҳ чашмон бимон.
(2)
Охирин орзуи ман, бидон (2)
Ман зи ҳиҷри ту шабҳо сӯхтам.

Ёдат…
Аз ёдат ман бирафтам,
Зебои хубрӯён,
Гаштам ба боғи …
Ёдат…
Донам, аз ёдат ман бирафтам,
Зебои хубрӯён,
Гаштам ба боғи …
Ёдат…
О-о-…
Даст ба дасти рақибон додаӣ. (2)

5/92

Азизам, ба ёдат шабҳои зулмат

Таҳрири охирини матн 26.06.2020

Аз Radio_Album2:

Азизам, ба ёдат, азизам ба ёдат, шабҳои зулмат
Бо қалби пораам оям ба кӯят.
Ҷӯям туро ман, ҷӯям туро ман, пӯям туро ман,
Бо нумедӣ оям ба сӯят.

Туӣ умедам, туӣ паноҳам, туӣ умедам, туӣ паноҳам,
Гардидаам ман афсуни хӯят.
Азизам, ба ёдат, азизам ба ёдат, шабҳои зулмат
Бо қалби пораам оям ба кӯят.

Маҷнун бигардад ҳар кас, ки бинад, (2)
Аз лойи мӯят, маҳтоби рӯят. (2)
Азизам, ба ёдат, азизам ба ёдат, шабҳои зулмат
Бо қалби пораам оям ба кӯят.
Ҷӯям туро ман, ҷӯям туро ман, пӯям туро ман,
Бо ноумедӣ оям ба сӯят.

Аз рӯйи улфат раҳме намо ту, (2)
Рӯзам сиёҳ шуд чун ранги мӯят. (2)
Азизам, ба ёдат, азизам ба ёдат, шабҳои зулмат
Бо қалби пораам оям ба кӯят.
Ҷӯям туро ман, ҷӯям туро ман, пӯям туро ман,
Бо ноумедӣ оям ба сӯят.
Ҷӯям туро ман, ҷӯям туро ман, пӯям туро ман,
Бо ноумедӣ оям ба сӯят.

6/93

Ба кадом дар равам ман, ки рухи ту боз бинам

Таҳрири охирини матн 26.06.2020

Аз Ariana-Music_Vol-01 Daard-e Dil:

Ба кадом дар равам ман,
Дарди дил…
Ки рухи ту боз бинам,
Дарди дил…
Ки ба дасти ғайр дастат
Дарди дил…
Ба ҳазор ноз бинам.
Дарди дил… (2)

Лаби талхи ҷом хуштар зи лабони нӯшханде,
Ки ба коми дигарон аст пайи ӯ сад оз бинам.
Ба кадом дар равам ман,
Дарди дил…
Ки рухи ту боз бинам,
Дарди дил… (2)

Ба кадом дар ниҳам сар, ки бар остони иззат,
Ба сафои дилҷавонӣ ҳама дар намоз бинам.
Ба кадом дар равам ман,
Дарди дил…
Ки рухи ту боз бинам,
Дарди дил…
Ки ба дасти ғайр дастат
Дарди дил…
Ба ҳазор ноз бинам.
Дарди дил… (5)

Шеър аз Алии Аштарӣ

7/94

Бемораму ғайр аз ҷигари пора надорам

Таҳрири охирини матн 26.06.2020

Аз Radio_Album1:

Бемораму ғайр аз ҷигари пора надорам,
Бигзор, бимирам, ки дигар чора надорам.

Гар нола кунам, боиси озори ту гардам,(2)
В-аз сабр намоям, дили аз санг надорам.(2)
Бемораму ғайр аз ҷигари пора надорам …

Гар дур равам, аз ғами бисёр бимирам, (2)
Наздик равам, тоқати изҳор надорам. (2)
Бемораму ғайр аз ҷигари пора надорам,
Бигзор, ки бимирам, ки дигар чора надорам.

Шеър аз Абдураҳмони Мушфиқӣ

8/95

Бохабар бош, бохабар

Таҳрири охирини матн 03.08.2020

1-2. Аз Mahfeli-1 ва
?Албум Vol-01:

Бохабар бош, бохабар, (3)
Шаб ба пешат меёям, (2)
Дарета зуд мекшоям,
Лаб бар лабонат месоям.
Ту чӣ мехоҳӣ? Чӣ мехоҳӣ?

Шаб ба пешат меёям,
Дарета зуд мекшоям,
Лаб бар лабонат месоям.
Ту чӣ мехоҳӣ? Чӣ мехоҳӣ?
Ла-ло, ла-ло…

Бохабар бош, бохабар, (3)
Шаб ба пешат меёям, (2)
Дарета зуд мекшоям,
Лаб бар лабонат месоям.
Ту чӣ мехоҳӣ? Чӣ мехоҳӣ?

Шаб ба пешат меёям,
Дарета зуд мекшоям,
Лаб бар лабонат месоям.
Ту чӣ мехоҳӣ? Чӣ мехоҳӣ?
Ла-ло, ла-ло…

9/96

Бӯсаҳо талаб мекунад

Таҳрири охирини матн 26.06.2020

Аз Radio_Album2:

Бӯсаҳо талаб мекунад
Бӯсаҳо талаб мекунад он лабони гулгун
Як нигаҳ зи чашмони ту маро кунад афсун.
Рӯзи ман кунад ҳамчу шаб
Рӯзи ман кунад ҳамчу шаб гесуи сиёҳат,
Дилнавозиву хушадо бубин, ки чу моҳӣ.

Чу оташи гарм сӯзон туӣ,
Чу ахтари шаб фурӯзон туӣ. (2)
Манам, ки дар домат уфтодам,
Ошкоро дил ба ту додам,
Ба роҳат дил ниҳодам.
(2, дуюмаш бе такрори мисраи 2)
Бас чу оташӣ, бас чу саркашӣ, баски беқарорам,
Мармаринтанӣ, ишвагар туӣ, чун гули баҳорӣ.

Бӯсаҳо талаб мекунад
Бӯсаҳо талаб мекунад он лабони гулгун
Як нигаҳ зи чашмони ту маро кунад афсун.
Рӯзи ман кунад ҳамчу шаб
Рӯзи ман кунад ҳамчу шаб гесуи сиёҳат,
Дилнавозиву хушадо бубин, ки дилхоҳӣ.

Чу оташи гарм сӯзон туӣ,
Чу ахтари шаб фурӯзон туӣ. (2)
Манам, ки дар домат уфтодам,
Ошкоро дил ба ту додам,
Ба роҳат дил ниҳодам.
(2, дуюмаш бе такрори мисраи 2)
Бас чу оташам, бас чу саркашӣ, баски беқарорам,
Мармаринтанӣ, ишвагар туӣ, чун гули баҳорӣ.

10/97

Гар зулфи парешонат

Таҳрири охирини матн 21.06.2020

Аз Music_Centre_Vol-01 Neshe Gashdum:

Гар зулфи парешонат дар дасти сабо уфтад,
Ҳар ҷо, ки диле бошад, дар доми бало уфтад.
Гар зулфи парешонат дар дасти сабо уфтад.

Мо киштии сабри худ дар баҳри ғам афгандем,
То охир аз ин тӯфон ҳар кас ба куҷо уфтад
Гар зулфи парешонат дар дасти сабо уфтад,
Ҳар ҷо, ки диле бошад, дар доми бало уфтад.

Охир, чӣ зиён уфтад, султони мамоликро,
К-ӯро назаре рӯзе бар ҳоли гадо уфтад.
Гар зулфи парешонат дар дасти сабо уфтад,
Ҳар ҷо, ки диле бошад, дар доми бало уфтад.
Гар зулфи парешонат дар дасти сабо уфтад,
Ҳар ҷо, ки диле бошад, дар доми бало уфтад.
Гар зулфи парешонат дар дасти сабо уфтад…

11/98

Гар кунӣ як назора

Таҳрири охирини матн 21.06.2020

1. Аз Radio_Album1:

Гар кунӣ як назора – мезебад, мезебад,
Мезебад, мезебад,
Ба ту, ай моҳпора – мезебад, мезебад.
Мезебад, мезебад.

Аз фироқат дили ситамзадаро (2)
Гар кунам пора-пора – мезебад, мезебад.
Мезебад, мезебад.
Ба ту, ай моҳпора – мезебад, мезебад.

Ашки хунин зи дида дар ҳиҷрат (2)
Гар намояд фавора – мезебад, мезебад.
Мезебад, мезебад.
Ба ту, ай моҳпора – мезебад, мезебад.

Шеъри Азҳар, ки ҳайратангез аст, (2)
Гар бихонӣ дубора – мезебад, мезебад.
Мезебад, мезебад.
Гар кунӣ як назора – мезебад, мезебад,
Мезебад, мезебад,
Ба ту, ай моҳпора – мезебад, мезебад.
Мезебад, мезебад. (3)

2. Аз AM_Album_8 Az Ghamat Ay Nazaneen:

Гар кунӣ як назора – мезебад, мезебад,
Ба ту, ай моҳпора – мезебад, мезебад.
Мезебад, мезебад.
(2)

Аз фироқат дили ситамзадаро (2)
Гар кунам пора-пора – мезебад, мезебад.
Мезебад, мезебад.
Гар кунӣ як назора – мезебад, мезебад,
Ба ту, ай моҳпора – мезебад, мезебад.
Мезебад, мезебад.

Ашки хунин зи дида дар ҳиҷрат (2)
Гар намояд фавора – мезебад, мезебад.
Мезебад, мезебад.
Гар кунӣ як назора – мезебад, мезебад,
Ба ту, ай моҳпора – мезебад, мезебад.
Мезебад, мезебад.

Шеъри Азҳар, ки ҳайратангез аст, (2)
Гар бихонӣ дубора – мезебад, мезебад.
Мезебад, мезебад.
Гар кунӣ як назора – мезебад, мезебад,
Ба ту, ай моҳпора – мезебад, мезебад.
Мезебад, мезебад. (4)

Шеъри Аҳмадшоҳи Азҳар

12/99

Гарчи мастему харобем

Таҳрири охирини матн 21.06.2020

Аз AM_Album_1 Dilakam:

Гарчи мастему харобем чу шабҳои дигар,
Боз кун соқии маҷлис сари минои дигар. (2)
Гарчи мастему харобем чу шабҳои дигар,
Боз кун соқии маҷлис сари минои дигар.
Масту харобам,
Ман беқарорам, (2)
Соқии зебо, бигир дастам, ки мастам. (2)

Масти мастам, машикан қадри худ, ай панҷаи ғам, (2)
Ман ба майхонаам имшаб, ту бирав ҷойи дигар. (2)
Масту харобам, (2)
Ман беқарорам,
Соқии зебо, бигир дастам, ки мастам. (2)
Гарчи мастему харобем чу шабҳои дигар,
Боз кун соқии маҷлис сари минои дигар.

Аз ту, зебосанам, ин қадр ҷафо зебо нест. (2)
Гирам, ин дил натавон дод ба зебои дигар. (2)
Гарчи мастему харобем чу шабҳои дигар,
Боз кун соқии маҷлис сари минои дигар. (2)
Масту харобам, (2)
Ман беқарорам, (2)
Соқии зебо, бигир дастам, ки мастам. (6)

МАТНИ ШЕЪР:
Гарчи мастему харобем чу шабҳои дигар,
Боз кун соқии маҷлис сари минои дигар.
Имшаберо, ки дар онем, ғанимат шумарем,
Шояд, ай ҷон, нарасидем ба фардои дигар.
Масти мастам, машикан қадри худ, ай панҷаи ғам,
Ман ба майхонаам имшаб, ту бирав ҷойи дигар.
Чӣ ба майхона, чӣ меҳроб, ҳаромам бошад,
Гар ба ҷуз ишқи туам ҳаст таманнои дигар.
То равам аз пайи ёри дигаре, мебояд
Ҷуз дили ман дигаре, ҷуз ту дилоройи дигар.
Нашунидаст гуле бӯйи ту, ай ғунчаи ноз,
Будаам варна басе ҳамдами гулҳои дигар.
Ту, сияҳчашм, чу ойӣ ба тамошои чаман,
Нагузорӣ ба касе чашми тамошои дигар.
Бода пеш ор, ки рафтанд аз ин мактабро
Устодони фарзанд муаммои дигар.
Ин қафасро набувад равзане, ай мурғи пареш,
Орзу сохта бӯстони тарабзойи дигар.
Гар биҳиште-ст, рухи туст, нигоро, ки дар он,
Метавон кард ба ҳар лаҳза тамошои дигар.
Аз ту, зебосанам, ин қадр ҷафо зебо нест.
Гирам, ин дил натавон дод ба зебои дигар.
Майфурӯшон ҳама донанд, Имодо, ки бувад,
Ошиқонро ҳараму дайру калисои дигар.

Шеър аз Имоди Хуросонӣ (Имодуддини Бурқаӣ)

13/100

Гарчи рафтӣ аз барам

Таҳрири охирини матн 04.07.2020

Гарчи рафтӣ аз барам, аммо фаромӯшам макун, (2)
Бо ғамат, ай ошно, ҳар шаб ҳамоғӯшам макун. (2)

Ҳамчу мавҷи ашк аз дарёи чашмам по макаш,
Дар пайи худ чун ҳубобе хонабардӯшам макун.
(2)

Гарчи рафтӣ аз барам, аммо фаромӯшам макун, (2)
Бо ғамат, ай ошно, ҳар шаб ҳамоғӯшам макун. (2)

Дар дилам нақши ҳазорон доғи ишқ мурдааст,
Беш аз ин дар сӯги ишқи худ сияҳпӯшам макун.
(2)

Гарчи рафтӣ аз барам, аммо фаромӯшам макун, (2)
Бо ғамат, ай ошно, ҳар шаб ҳамоғӯшам макун. (2)

МАТНИ ШЕЪР:
Гарчи рафтӣ аз барам, аммо фаромӯшам макун,
Бо ғамат, ай ошно, ҳар шаб ҳамоғӯшам макун.
Ҳамчу мавҷи ашк аз дарёи чашмам по макаш,
Дар пайи худ чун ҳубобе хонабардӯшам макун.
Дар дилам нақши ҳазорон доғи ишқ мурдааст,
Беш аз ин дар сӯги ишқи худ сияҳпӯшам макун.
Соғари чашми ту саршор аст аз мастиву ноз,
Бо хаёли наргисат ҳар шаб қадаҳнӯшам макун.
Ман зи сӯзи иштиёқи ту саропо оташам,
Боз бо тӯфони бемеҳрӣ-т хомӯшам макун.
Ҷӯшад имшаб ҷилваи ҷодуи чашмонат зи ҷом,
Бо шароби наргисат, ай фитна, мадҳушам макун.

Шеър аз Шуъла Фаридун Салоҳӣ

14/101

Гарчи чашми ту пайи

Таҳрири охирини матн 21.06.2020

Аз Music_Centre_Vol-01 Neshe Gashdum:

Гарчи чашми ту пайи бурдани дилҳост ҳанӯз,
Дидаи мунтазирам
Дидаи мунтазирам ғарқи таманност ҳанӯз.
Гарчи чашми ту пайи бурдани дилҳост ҳанӯз.

Ханда бар лаб задаам, то ба ту наздик шавам, (2)
Бахудо, сина пур аз
Бахудо, сина пур аз ҳасрати ғамҳост ҳанӯз.
Гарчи чашми ту пайи бурдани дилҳост ҳанӯз,
Дидаи мунтазирам
Дидаи мунтазирам ғарқи таманност ҳанӯз.

Гарчи ҳар рӯз маро ваъда ба фардо додӣ, (2)
Дил пур аз орзуи
Дил пур аз орзуи ваъдаи фардост ҳанӯз.
Гарчи чашми ту пайи бурдани дилҳост ҳанӯз,
Дидаи мунтазирам
Дидаи мунтазирам ғарқи таманност ҳанӯз.
Гарчи чашми ту пайи бурдани дилҳост ҳанӯз.

Шеър аз Луъбати Шайбонӣ

15/102

Гоҳ дар оғӯши ин

Таҳрири охирини матн 21.06.2020

1. Аз AM_Album_5 Awara:

Гоҳ дар оғӯши ин, гоҳ дар оғӯши он, (2)
Дил шуда аз дасти ман танг ба бари дигарон. (2)

Ту ба бари дигарӣ, кӯр шавам, кӯр беҳ, (2)
Аз туву базми ту гар дур шавам, дур беҳ. (2)

Бо ҳама инҳо ба ман лофи вафо мезанӣ,
Вой, ки ай бевафо, боз ту моли манӣ.
(2)

Гоҳ дар оғӯши ин, гоҳ дар оғӯши он, (2)
Дил шуда аз дасти ман танг ба бари дигарон.

Ашк ба чашмам нишаст, дӯш чу бархостӣ, (2)
Рақскунон бо рақиб ҷони маро костӣ. (2)

Бо ҳама инҳо ба ман лофи вафо мезанӣ,
Вой, ки ай бевафо, боз ту моли манӣ.
(2)

Гоҳ дар оғӯши ин, гоҳ дар оғӯши он, (2)
Дил шуда аз дасти ман, ай ба бари дигарон. (2)
Гоҳ дар оғӯши ин, гоҳ дар оғӯши он, (2)
Дил шуда аз дасти ман, ай ба бари дигарон. (2)
Гоҳ дар оғӯши ин, гоҳ дар оғӯши он. (2)

2. Аз ?Албум Vol-01:

Гоҳ дар оғӯши ин, гоҳ дар оғӯши он, (3)
Дил шуда аз дасти ман танг ба бари дигарон. (2)
Гоҳ дар оғӯши ин, гоҳ дар оғӯши он.

Ту ба бари дигарӣ, кӯр шавам, кӯр беҳ, (2)
Аз ту ва базми ту гар дур шавам, дур беҳ.

Бо ҳама инҳо ба ман лофи вафо мезанӣ,
Вой, ки ай бевафо, боз ту моли манӣ.
(2)

Гоҳ дар оғӯши ин, гоҳ дар оғӯши он, (2)
Дил шуда аз дасти ман танг ба бари дигарон. (2)

Ашк ба чашмам нишаст, дӯш чу бархостӣ,
Рақскунон бо рақиб ҷони маро костӣ.
Бо ҳама инҳо ба ман лофи вафо мезанӣ,
Вой, ки ай бевафо, боз ту моли манӣ.

Гоҳ дар оғӯши ин, гоҳ дар оғӯши он, (2)
Дил шуда аз дасти ман, ай ба бари дигарон. (2)
Гоҳ дар оғӯши ин, гоҳ дар оғӯши он. (2)

16/103

Гузашт он ки ту

Таҳрири охирини матн 21.06.2020

Аз AM_Album_5 Awara:

Гузашт он ки ту сархели дилбарон будӣ,
Худои ишқи ману ёри дигарон будӣ.
Гузашт он ки зи даргоҳи хеш мерондӣ,
Маро ба талхиву ширини дигарон будӣ.

Ҳанӯз хонаи дил вақфи ишқи туст, биё,
Ки ин хароба ҳамон аст, к-андар он будӣ. (2)
Гузашт он ки ту сархели дилбарон будӣ,
Худои ишқи ману ёри дигарон будӣ.

Ба рӯйи хуби ту пирӣ ситам намуд, оре,
Ба ҳукми он ки ту низ аз ситамгарон будӣ. (2)

Гузашт он ки ту сархели дилбарон будӣ,
Худои ишқи ману ёри дигарон будӣ.
Гузашт он ки зи даргоҳи хеш мерондӣ,
Маро ба талхиву ширини дигарон будӣ.
Гузашт он ки ту сархели дилбарон будӣ,
Худои ишқи ману ёри дигарон будӣ.

МАТНИ ШЕЪР:
Гузашт он ки ту сархели дилбарон будӣ,
Худои ишқи ману ёри дигарон будӣ.
Гузашт он ки зи даргоҳи хеш мерондӣ,
Маро ба талхиву ширини дигарон будӣ.
Ба ғайри хотирае дилнавоз боқӣ нест,
Аз он замон, ки ту султони дилбарон будӣ.
Ҳанӯз акси ту бо ман сухан кунад з-он рӯз,
Ки шамъи анҷумани моҳманзарон будӣ.
Чу фикри мардуми нодон нашуд, дареғ, он рӯз,
Ки дилфиреб чу афкори шоирон будӣ.
Зи саргаронии хубони рӯзгор маранҷ,
Ту ҳам ба ошиқи дилхаста саргарон будӣ.
Ба рӯйи хуби ту пирӣ ситам намуд, оре,
Ба ҳукми он ки ту низ аз ситамгарон будӣ.
Ҳанӯз хонаи дил вақфи ишқи туст, биё,
Ки ин хона ҳамон аст, к-андар он будӣ.

Шеър аз Пажмон Бахтиёрӣ

17/104

Гул сабу ба дӯш омад

Таҳрири охирини матн 21.06.2020

Аз ?Албум Vol-01:

Гул сабу ба дӯш омад
Гул сабу ба дӯш омад, соғари хамӯшон ку, (2)
Ҷоми май ба ҷӯш омад
Ҷоми май ба ҷӯш омад, бонги боданӯшон ку? (2)

Бар ғаме чунин сангин, такя чун кунӣ, ай дил, (2)
Аз сабубадӯшон пурс: «Хуми майфурӯшон ку?» (2)

Гул сабу ба дӯш омад
Гул сабу ба дӯш омад, соғари хамӯшон ку,
Ҷоми май ба ҷӯш омад
Ҷоми май ба ҷӯш омад, бонги боданӯшон ку? (2)

Хилвати ману дил буд
Хилвати ману дил буд, ишқ ҳам ба мо пайваст,
Базми боданӯшонро бодаҳои ҷӯшон ку?
(2)
Бодаҳои ҷӯшон ку? (2)

Гул сабу ба дӯш омад
Гул сабу ба дӯш омад, соғари хамӯшон ку,
Ҷоми май ба ҷӯш омад
Ҷоми май ба ҷӯш омад, бонги боданӯшон ку?
Гул сабу ба дӯш омад
Гул сабу ба дӯш омад, соғари хамӯшон ку,
Ҷоми май ба ҷӯш омад, бонги боданӯшон ку?

Шеър аз Бежани Тараққӣ

18/105

Гули сангам

Таҳрири охирини матн 21.06.2020

Аз AM_Album_11 Lylee:

Гули сангам, гули сангам,
Чӣ бигам аз дили тангам,
Мисли офтоб, ага бар ман
Натобӣ, сардаму берангам.
(2)

Ҳама оҳам, ҳама дардам,
Мисли тӯфон пури гардам,
(2)
Боди мастам, ки тӯи саҳро,
Мепечам, даври ту мегардам.

Гули сангам, гули сангам,
Чӣ бигам аз дили тангам,
Мисли офтоб, ага бар ман
Натобӣ, сардаму берангам.

Мисли борон агар наборӣ,
Хабар аз ҳоли ман надорӣ.
(2)
Бе ту пар-пар мешам ду рӯзе
Дили сангат баром месӯзе.

Гули сангам, гули сангам,
Чӣ бигам аз дили тангам,
(2)

Гули сангам, гули сангам,
Чӣ бигам аз дили тангам,
Мисли офтоб, ага бар ман
Натобӣ, сардаму берангам.
(2)

Шеър аз Бежани Самандар.
Оҳанги Анӯшервони Рӯҳонӣ

Гуфта будам, чу биёӣ, ғами дил бо ту бигӯям — ниг. 12/176 Ман надонистам аз аввал-2

19/106

Гуфтам, ки мехоҳам туро

Таҳрири охирини матн 21.06.2020

Аз Radio_Album1:

Гуфтам, ки мехоҳам туро, у бовар макун, бовар макун,
Аз ҷамъи ёрон по макаш, бо ман ба ёрӣ сар макун. (2)

Гар ҳамчу гул дар хандаам, доми фиреб афкандаам,
Дар ҳасрати доме чунин беҳуда доман тар макун.
Беҳуда доман тар макун.

Гуфтам, ки мехоҳам туро, у бовар макун, бовар макун,
Аз ҷамъи ёрон по макаш, бо ман ба ёрӣ сар макун.

На, на, ки ҷуз оғӯши ман, ҷуз лаъли соғарнӯши ман,
Дар хилвати хомӯши ман андешаи дигар макун.
Андешаи дигар макун.

Гуфтам, ки мехоҳам туро, у бовар макун, бовар макун,
Аз ҷамъи ёрон по макаш, бо ман ба ёрӣ сар макун. (3)

МАТНИ ШЕЪР:
Гуфтам, ки мехоҳам туро, бовар макун, бовар макун,
Аз ҷамъи ёрон сар макаш, бо ман ба ёрӣ сар макун.
Гар ҳамчу гул дар хандаам, доми фиреб афкандаам,
Дар ҳасрати доме чунин беҳуда доман тар макун.
Аз ошиқи покизахӯ васли мани расво маҷӯ,
Ҳамбистари ҳар сифларо бо хеш ҳам бистар макун.
Шаҳди лаби майранги ман олуда бо найранги ман,
Ин ҷоми афсун дар макаш, ин бода дар соғар макун.
Чашмам агар дорад наме, резад ба пойи оламе,
З-ин гавҳари беобрӯ, зинҳор, ангуштар макун.
На, на, ки ҷуз оғӯши ман, ҷуз лаъли соғарнӯши ман,
Дар хилвати хомӯши ман андешаи дигар макун.
Инак туву инак лабам, ин шӯру ин тобу табам,
Сад бӯса бар лаълам бизан, в-аз сад яке камтар макун.

Шеър аз Симини Беҳбаҳонӣ

20/107

Гуфтам, ки нару, мадеҳ озорам

Таҳрири охирини матн 21.06.2020

Аз AM_Album_8 Az Ghamat Ay Nazaneen:

Гуфтам, ки нару
Гуфтам, ки нару, мадеҳ озорам,
Охир, зи фироқи ту безорам.
(2)
Аз наргиси чашм
Аз наргиси чашми ту беморам,
Дигар ту мадеҳ ҷаври бисёр.

Дар кӯйи ту ман шудам афсона, (2)
Бо ёди ту дил шуда девона, (2)
Аз бӯсаи лаб бидеҳ паймона. (2)

Гуфтам, ки нару
Гуфтам, ки нару, мадеҳ озорам,
Охир, зи фироқи ту безорам.
(2)
Аз наргиси чашм
Аз наргиси чашми ту беморам,
Дигар ту мадеҳ ҷаври бисёр.

Ай душмани дил, офати ҷонам, (2)
Бишнав ту даме оҳу афғонам, (2)
З-ин беш макун ту парешонам,

Гуфтам, ки нару
Гуфтам, ки нару, мадеҳ озорам,
Охир, зи фироқи ту безорам.
(2)
Аз наргиси чашм
Аз наргиси чашми ту беморам,
Дигар ту мадеҳ ҷаври бисёр.

Гуфтам, ки нару
Гуфтам, ки нару, мадеҳ озорам,
Охир, зи фироқи ту безорам
Аз наргиси чашм
Аз наргиси чашми ту беморам,
Дигар ту мадеҳ ҷаври бисёр. (5)

21/108

Гуфтӣ, ки мебӯсам туро

Таҳрири охирини матн 21.06.2020

Аз AM_Album_12 Ahmad Zahir wa Jila:

Гуфтӣ, ки «Мебӯсам туро». Гуфтам: «Таманно мекунам».
Гуфтӣ: «Агар бинад касе?». Гуфтам, ки «Ҳошо мекунам».
(2)

Гуфтӣ: «Зи бахти бад, агар ногаҳ рақиб ояд зи дар?» (2)
Гуфтам, ки «Бо афсунгарӣ ӯро зи сар во мекунам». (2)

Гуфтӣ, ки «Мебӯсам туро». Гуфтам: «Таманно мекунам».
Гуфтӣ: «Агар бинад касе?». Гуфтам, ки «Ҳошо мекунам».

Гуфтӣ: «Агар аз кӯйи худ рӯзе туро гуфтам, бирав». (2)
Гуфтам, ки «Сад соли дигар имрӯзу фардо мекунам». (2)

Гуфтӣ, ки «Мебӯсам туро». Гуфтам: «Таманно мекунам».
Гуфтӣ: «Агар бинад касе?». Гуфтам, ки «Ҳошо мекунам».

Гуфтӣ: «Агар аз пойи худ занҷири ишқат во кунам». (2)
Гуфтам: «Зи ту девонатар, донӣ, ки, пайдо мекунам». (2)

Гуфтӣ, ки «Мебӯсам туро». Гуфтам: «Таманно мекунам».
Гуфтӣ: «Агар бинад касе?». Гуфтам, ки «Ҳошо мекунам».
Ла-ла, ла-ла, ла, ла-ла…

МАТНИ ШЕЪР:
Гуфтӣ, ки мебӯсам туро, гуфтам, таманно мекунам,
Гуфтӣ, агар бинад касе, гуфтам, ки ҳошо, мекунам.
Гуфтӣ, зи бахти бад агар ногаҳ рақиб ояд зи дар?
Гуфтам, ки бо афсунгарӣ ӯро зи сар во мекунам.
Гуфтӣ, ки талхиҳои май гар ногувор ояд маро,
Гуфтам, ки бо нӯши лабам онро гуворо мекунам.
Гуфтӣ, чӣ мебинӣ, бигӯ дар чашми чун оинаам?
Гуфтам, ки ман худро дар ӯ урён тамошо мекунам.
Гуфтӣ, ки аз бетоқатӣ дил қасди яғмо мекунад,
Гуфтам, ки бо яғмогарон боре мадоро мекунам.
Гуфтӣ, ки пайванди туро бо нақди ҳастӣ мехарам,
Гуфтам, ки арзонтар аз ин ман бо ту савдо мекунам.
Гуфтӣ, агар аз кӯйи худ рӯзе туро гӯям, «бирав»,
Гуфтам, ки сад соли дигар имрӯзу фардо мекунам.
Гуфтӣ, агар аз пойи худ занҷири ишқат во кунам?
Гуфтам, зи ту девонатар, донӣ, ки пайдо мекунам.

Аҳмад Зоҳир бо хонум Жило.
Шеър аз Симини Беҳбаҳонӣ

22/109

Ғамаш дар ниҳонхонаи дил
(Маранҷон диламро)

Таҳрири охирини матн 22.06.2020

Аз AM_Album_5 Awara:

Маранҷон диламро, ки ин мурғи ваҳшӣ (2)
Зи боме, ки бархост, ба мушкил нишинад. (3)
Зи боме, ки бархост… (2)
Зи боме, ки бархост, ба мушкил нишинад.
Зи боме, ки бархост…

Илоҳӣ, Зулайхо, азизат бимирад, (2)
Ки Юсуф ба тахти таҷаммул нишинад.(3)
Ки Юсуф ба тахти… (2)
Ки Юсуф ба тахти таҷаммул нишинад.
Ки Юсуф ба тахти…

Ба нозе, ки Лайло ба маҳмил нишинад, (2)
Ба нозе, ки Лайло ба маҳмил нишинад, (2)
Ғамаш дар ниҳонхонаи дил нишинад. (4)
Ғамаш дар ниҳонхо…

МАТНИ ШЕЪР:
Ғамаш дар ниҳонхонаи дил нишинад,
Ба нозе, ки Лайлӣ ба маҳмил нишинад.
Ба дунболи маҳмил чунон зор гирям,
Ки аз гиряам ноқа дар гил нишинад.
Халад гар ба по хоре, осон барорам,
Чӣ созам ба хоре, ки дар дил нишинад.
Пайи ноқааш рафтам оҳиста, тарсам,
Ғуборе ба домони маҳмил нишинад.
Маранҷон диламро, ки ин мурғи ваҳшӣ,
Зи боме, ки бархост, ба мушкил нишинад.
Аҷаб нест, хандад агар гули басрӯй,
Ки дар ин чаман пой дар гил нишинад.
Бинозам ба базми муҳаббат, ки он ҷо,
Гадое ба шоҳе муқобил нишинад.
Илоҳӣ, Зулайхо, азизат бимирад,
Ки Юсуф ба тахти таҷаммул нишинад.
Табиб аз талаб дар ду гетӣ маёсо,
Касе чун миёни ду манзил нишинад.

Шеър аз Табиби Исфаҳонӣ

23/110

Дар домани саҳро

Таҳрири охирини матн 22.06.2020

Аз Mahfeli_Album5:

Дар домани саҳро, бехабар аз дунё,
Хонда ба гӯшам мера, навои ҳастиро.
Навои ҳастиро
Дар домани саҳро, бехабар аз дунё,
Хонда ба гӯшам мера, навои ҳастиро.

Он ки ба нақши замона дил набандад,
Нағмаи ишқу ҳавои дил писандад.
О-о…
Ин навои осмонӣ бо ту гӯям, гар надонӣ,
Рози ишқи ҷовидонӣ.
О-о…

Аз бегуноҳии ту
Аз бегуноҳии ту ғарқи гуноҳам ман,
Ташнаи дардам ман навои ҳастиро

Он ки ба нақши замона дил набандад,
Нағмаи ишқу ҳавои дил писандад.
О-о…
Ин навои осмонӣ бо ту гӯям, гар надонӣ,
Рози ишқи ҷовидонӣ.
О-о…
А-а… (2)
О-о…

Маҷлисӣ

24/111

Дар кунҷи дилам ишқи…

Таҳрири охирини матн 23.06.2020

Аз AM_Album_10 Yaare Bewafa:

Дар кунҷи дилам о
Дар кунҷи дилам ишқи касе хона надорад,
Кас роҳ дар ин кулбаи вайрона надорад.
(2)

Дилро ба кафи ҳар ки диҳам, бозпас орад,
Кас тоби нигаҳдории девона надорад.
(2)

Дар кунҷи дилам о
Дар кунҷи дилам ишқи касе хона надорад,
Кас роҳ дар ин кулбаи вайрона надорад.
(2)

Дар базми ҷаҳон ҷуз дили ҳасраткаши мо нест,
Он шамъ, ки месӯзаду парвона надорад.
(2)

Дар кунҷи дилам о
Дар кунҷи дилам ишқи касе хона надорад,
Кас роҳ дар ин кулбаи вайрона надорад.
(2)

Дар кунҷи дилам о
Дар кунҷи дилам ишқи касе хона надорад,
Кас роҳ дар ин кулбаи вайрона надорад.
(2)
Дар кунҷи дилам о
Дар кунҷи дилам ишқи касе хона надорад,
Кас роҳ дар ин кулбаи вайрона надорад. (3)

МАТНИ ШЕЪР:
Дар кунҷи дилам ишқи касе хона надорад,
Кас ҷой дар ин кулбаи вайрона надорад.
Дилро ба кафи ҳар ки ниҳам, бозпас орад,
Кас тоби нигаҳдории девона надорад.
Дар базми ҷаҳон ҷуз дили ҳасраткаши мо нест,
Он шамъ, ки месӯзаду парвона надорад.
Гуфтам: «Маҳи ман, аз чӣ ту дар дом наяфтӣ?»
Гуфто: «Чӣ кунам, доми шумо дона надорад».
Дар анҷумани ақлфурӯшон наниҳам пой,
Девона сари сӯҳбати фарзона надорад.
То чанд кунӣ қиссаи Искандару Доро,
Дурӯзаи умр ин ҳама афсона надорад.

Шеър аз Пажмони Бахтиёрӣ

25/112

Даст аз талаб надорам

Таҳрири охирини матн 23.06.2020

Аз Ariana-Music_Vol-02 Mosum-e Gul:

Даст аз талаб надорам, то коми ман барояд,
То коми ман барояд.
Ё ҷон расад ба ҷонон, ё ҷон зи тан барояд.
Ё ҷон зи тан барояд.
Ё ҷон расад ба ҷонон, ё ҷон зи тан барояд.
Даст аз талаб надорам.

Аз ҳасрати даҳонаш, омад ба танг ҷонам, (2)
Худ коми тангдастон кай з-он даҳан барояд.
Кай з-он даҳан барояд.

Даст аз талаб надорам, то коми ман барояд,
То коми ман барояд.
Ё ҷон расад ба ҷонон, ё ҷон зи тан барояд.
Ё ҷон зи тан барояд.
Ё ҷон расад ба ҷонон, ё ҷон зи тан барояд.

Бикшой турбатамро баъд аз вафоту бингар, (2)
К-аз оташи дарунам дуд аз кафан барояд.
Дуд аз кафан барояд.

Даст аз талаб надорам, то коми ман барояд,
То коми ман барояд.
Ё ҷон расад ба ҷонон, ё ҷон зи тан барояд.
Ё ҷон зи тан барояд.
Ё ҷон расад ба ҷонон, ё ҷон зи тан барояд.
Ла-ла-ла, лала-ла…(2)
Ҳм-ҳм- ҳм, ҳмм-ҳм… (2)
Ла-ла-ла, лала-ла…(2)
Ҳм-ҳм- ҳм, ҳмм-ҳм… (2)

МАТНИ ШЕЪР:
Даст аз талаб надорам, то коми ман барояд,
Ё тан расад ба ҷонон, ё ҷон зи тан барояд.
Бикшой турбатамро баъд аз вафоту бингар,
К-аз оташи дарунам дуд аз кафан барояд.
Бинмой рӯ, ки халқе вола шаванду ҳайрон,
Бикшой лаб, ки фарёд аз марду зан барояд.
Ҷон бар лаб асту ҳасрат дар дил, ки аз лабонаш,
Нагрифта ҳеҷ коме, ҷон аз бадан барояд.
Аз ҳасрати даҳонаш, омад ба танг ҷонам,
Худ коми тангдастон кай з-он даҳан барояд.
Гӯянд зикри хайраш, дар хайли ишқбозон,
Ҳар ҷо ки номи Ҳофиз дар анҷуман барояд.

Шеър аз Ҳофизи Шерозӣ
Оҳанги Муҳаммад Ҳусайни Ормон

Дигар ашкам марез — ниг. 11/135 Зебо нигорам

26/113

Дидам нигори худро

Дидам нигори худро, мегашт гирди хона,
Бардошта рубобе, мезад яке тарона.
Бо захмае чу оташ, мезад таронае хуш,
Масту харобу дилкаш, аз бодаи шабона.
Дар пардаи Ироқӣ, мезад ба номи соқӣ,
Мақсуд бода будаш, соқӣ будаш баҳона.
Соқии моҳрӯе, дар дасти ӯ сабӯе,
Аз гӯшае даромад, бинҳод дар миёна.
Пур кард ҷоми аввал з-он бодаи мушаал,
Аз об ҳеҷ дидӣ, к-оташ занад забона?
Бар каф ниҳод онро, аз баҳри ошиқонро,
Он гаҳ бикард саҷда, бӯсид остона.
Бистад нигор аз вай, андар кашид он май,
Шуд шӯълаҳо аз он май бар рӯю сар давона.
Медид ҳусни худро, мегуфт неку бадро.
Не буду не биёяд, чун ман дар ин замона.
Шамсулҳақи ҷаҳонам, маъшуқи ошиқонам,
Ҳар дам бувад ба пешам ҷону равон равона.

Шеър аз Ҷалолиддини Балхӣ (Румӣ)

27/114

Дил зи савдои ду чашми ту

Таҳрири охирини матн 23.06.2020

Аз AM_Album_14 Shab-e Hijraan:

Дил зи савдои ду чашми ту ба майхона кунад рақс, (2)
Лаъли майгуни ту дар гармии паймона кунад рақс. (2)

Муҳтасиб, аз чӣ кунӣ манъ аз ин бодаи нобам, (2)
Ки аз он бехудӣ ҳушёр чу девона кунад рақс. (2)

Дил зи савдои ду чашми ту ба майхона кунад рақс,
Лаъли майгуни ту дар гармии паймона кунад рақс.

Нест бунёди риё ғайри фиребу солус, (2)
Он ки бо ишқ бипайвасту ба паймона кунад рақс. (2)

Дил зи савдои ду чашми ту ба майхона кунад рақс,
Лаъли майгуни ту дар гармии паймона кунад рақс.
(2)

Шеър аз Холиси Фоиз

Дил нест кабӯтар, ки чу бархост, нишинад — ниг. 31/224 Рӯзу шабам алам-1

28/115

Дилакам, ай дилакам
(Дили овораи ман)

Таҳрири охирини матн 23.06.2020

Аз AM_Album_1 Dilakam:

Дилакам, ай дилакам, ай дилакам,
Мурғаки тири ҷафо хӯрдаякам.
(2)
Дили овораи ман,
Дили бечораи ман,
Шуҳрае аз худу бегона шудӣ.
Дилакам, ай дилакам, ай дилакам,
Мурғаки тири ҷафо хӯрдаякам.

Туро аз дур мебинам, чӣ ҳосил?
Ба паҳлуят намешинам, чӣ ҳосил?
Дарахти ҳусни ту гулзор карда,
Аз он гулҳо намечинам, чӣ ҳосил?

Дилакам, ай дилакам, ай дилакам,
Мурғаки тири ҷафо хӯрдаякам.
(2)
Дили овораи ман,
Дили бечораи ман,
Шуҳрае аз худу бегона шудӣ.
Дилакам, ай дилакам, ай дилакам,
Мурғаки тири ҷафо хӯрдаякам.

Сиёҳчашмак, ба дил банди ту бошад,
Ба пойи ҷон зи пайванди ту бошад.
Сафар кардам ба гулшанҳои дунё, (2)
Надидам кас, ки монанди ту бошад.

Дилакам, ай дилакам, ай дилакам,
Мурғаки тири ҷафо хӯрдаякам.
(3)
Дили овораи ман,
Дили бечораи ман,
Шуҳрае аз худу бегона шудӣ.
Дилакам, ай дилакам, ай дилакам,
Мурғаки тири ҷафо хӯрдаякам.

Шеър аз Аҳмадшоҳи Азҳар
?Оҳанги Фазлаҳмади Найнавоз

29/116

Дилам дар ошиқӣ овора шуд

Таҳрири охирини матн 23.06.2020

Аз Radio_Album4:

Дилам дар ошиқӣ овора шуд, оворатар бодо, (2)
Танам аз бедилӣ бечора шуд, бечоратар бодо. (2)

Ба тороҷи азизон зулфи ту айёрие дорад, (2)
Ба хунрези ғарибон чашми ту айёратар бодо. (2)

Дилам дар ошиқӣ овора шуд, оворатар бодо,
Танам аз бедилӣ бечора шуд, бечоратар бодо.

Рухат тоза-сту баҳри мурдани худ тозатар хоҳам, (2)
Дилат хора-сту баҳри куштани ман хоратар бодо. (2)

Дилам дар ошиқӣ овора шуд, оворатар бодо,
Танам аз бедилӣ бечора шуд, бечоратар бодо.

Ҳама гӯянд, к-аз хунхориаш халқе ба ҷон омад, (2)
Ман ин гӯям, ки баҳри ҷони ман хунхоратар бодо. (2)

Дилам дар ошиқӣ овора шуд, оворатар бодо,
Танам аз бедилӣ бечора шуд, бечоратар бодо. (2)

МАТНИ ШЕЪР:
Дилам дар ошиқӣ овора шуд, оворатар бодо,
Танам аз бедилӣ бечора шуд, бечоратар бодо!
Ба тороҷи азизон зулфи ту айёрие дорад,
Ба хунрези ғарибон чашми ту айёратар бодо!
Рухат тоза-сту баҳри мурдани худ тозатар хоҳам,
Дилат хора-сту баҳри куштани ман хоратар бодо!
Гар, ай зоҳид, дуои хайр мегӯйӣ, маро ин гӯй,
Ки он овораи кӯйи бутон оворатар бодо!
Дили ман пора гашт аз ғам, на з-он гуна, ки беҳ гардад,
Агар ҷонон бад-ин шод аст, ё Раб, поратар бодо!
Ҳама гӯянд, к-аз хунхориаш халқе ба ҷон омад,
Ман ин гӯям, ки баҳри ҷони ман хунхоратар бодо!
Чу бо тардоманӣ хӯ кард Хусрав бо ду чашми тар,
Ба оби чашми покон доманаш ҳамвора тар бодо!

Шеър аз Амир Хусрави Деҳлавӣ

30/117

Дилат меход барои ту

Таҳрири охирини матн 23.06.2020

Аз AM_Album_11 Lylee:

Дилат меход, барои ту худро фидоӣ кунам,
Ҳамеша эҳсоси камиву бенавоӣ кунам.
Дилат меход, ғурури ман ҷоми ду дастат бошад,
Вақте ки фарёд мезанӣ, ман бесадоӣ кунам.
Бесадоӣ кунам.

Ҳис мекунам, хастаам, азизи худхоҳи ман,
Нагзор, ки ҷудо шавад роҳи туву роҳи ман.
(2)

Дилат меход, кӯҳ бошӣ, дилат меход, коҳ бошам, (2)
Ту бар сари забону ман қиссаи кӯтоҳ бошам. (2)

Ҳис мекунам, хастаам, азизи худхоҳи ман,
Нагзор, ки ҷудо шавад роҳи туву роҳи ман.
(2)

Кошкӣ мешуд, тарки туву ин ошноӣ кунам,
Ба хотироти пушти сар беэътиноӣ кунам.
Дилат меход, дилхӯри сойиш тӯи қалбам бошад,
Ҳамеша ваҳшат аз замонҳои ҷудоӣ кунам.
Ҷудоӣ кунам.

Ҳис мекунам, хастаам, азизи худхоҳи ман,
Нагзор, ки ҷудо шавад роҳи туву роҳи ман.

Дилат меход, барои ту худро фидоӣ кунам,
Ҳамеша эҳсоси камиву бенавоӣ кунам.
Дилат меход, ғурури ман ҷоми ду дастат бошад,
Вақте ки фарёд мезанӣ, ман бесадоӣ кунам.
Бесадоӣ кунам.

Ҳис мекунам, хастаам, азизи худхоҳи ман,
Нагзор, ки ҷудо шавад роҳи туву роҳи ман.
(5)

31/118

Дилбаро, гар ту

Таҳрири охирини матн 23.06.2020

Аз AM_Album_8 Az Ghamat Ay Nazaneen:

У-у дилбаро, гар ту ёри ман бошӣ,
О-о муниси шоми тори ман бошӣ.
(2)

Ту он қадар мешавӣ азиз бар дили ман,
Куфр гӯям, Худои ман бошӣ.

У-у дилбаро, гар ту ёри ман бошӣ,
О-о муниси шоми тори ман бошӣ.

Ҳадафи тири душманон гардам,
К-аз раҳи сидқ ёри ман бошӣ.
(2)

У-у дилбаро, гар ту ёри ман бошӣ,
У-у муниси шоми тори ман бошӣ.

Чӣ шуд хато аз ман, ай парипайкар,
Ки пур намудӣ зи хуни дил соғар.
(2)

У-у дилбаро, гар ту ёри ман бошӣ,
О-о муниси шоми тори ман бошӣ.
(2)

Шеър аз Салими Сармаст.
Оҳанги суруди испонӣ «Ла Палома»

32/119

Дили мо ҳарчи решу хаста беҳтар
(Дар ин вайрона ғам)

Таҳрири охирини матн 23.06.2020

Аз Radio_Album4:

Дили мо ҳарчи решу хаста беҳтар, (2)
Дар ин вайрона ғам биншаста беҳтар. (2)
Дили мо ҳарчи решу хаста беҳтар,
Дар ин вайрона ғам биншаста беҳтар.
Пару болам шикаста, (2)
Худоё, пару болам шикаста. (2)

Чунин умре, ки бо ғам ёр бошад, (2)
Ба мастӣ бигзарад пайваста, беҳтар. (2)

Дили мо ҳарчи решу хаста беҳтар, (2)
Дар ин вайрона ғам биншаста беҳтар. (2)
Пару болам шикаста, (2)
Худоё, пару болам шикаста. (2)

Зи дасти чархи каҷрафтор акнун, (2)
Дари шодӣ ба рӯям баста беҳтар. (2)

Дили мо ҳарчи решу хаста беҳтар, (2)
Дар ин вайрона ғам биншаста беҳтар. (2)
Пару болам шикаста, (2)
Худоё, пару болам шикаста. (2)

33/120

Донам, чаро чашмони ту

Таҳрири охирини матн 23.06.2020

Аз AM_Album_9 Gulbadan:

Донам, чаро чашмони ту ашки оташбор дорад,
Донам, чаро мижгони ту тири дилшикор дорад.
Бояд бигӯям ин замон, асрори дил бо дӯстон,
Ки манам басе нотавон, туӣ шамъи рафиқи ман.

Дил агар аз ғам бимирад, коми дил аз ту нагирад,
Коми дил аз ту нагирад,
Дил агар бечора гардад, охир дар поят бимирад.

Донам, ки дилдорат манам, ба дил харидорат манам,
Донам, надонад ҳеҷ кас, ошиқи дидорат манам.
Бояд бигӯям ин замон, асрори дил бо дӯстон,
Ки манам басе нотавон, туӣ шамъи рафиқи ман.

Гар дил тапад дар нимашаб, оҳанги сози ту гӯяд,
Оҳанги сози ту гӯяд,
Гар бубинад бар чашми ту, оҳанги рози ту гӯяд.

Донам, чаро чашмони ту ашки оташбор дорад,
Донам, чаро мижгони ту тири дилшикор дорад.
Бояд бигӯям ин замон, асрори дил бо дӯстон,
Ки манам басе нотавон, туӣ шамъи рафиқи ман.

Оҳанги аврупоӣ

34/121

Дузди ишқам

Таҳрири охирини матн 23.06.2020

Аз Music_Centre_Vol-04
Ahmad Zahir Ba Sitara Haa:

Дузди ишқам ману дишаб раҳи дилҳо задаам,
Муҷрими ишқаму дар маҳкама ҳошо задаам.
Аз чӣ дар ишқи туам шуҳраву ангуштнамо?
Ман, ки ҳарфи дили худро ба ту танҳо задаам.

Ба нафас орамат аз бӯса, гар уфтӣ зи нафас, (2)
Ки раҳи қофилаи Ибни Масеҳо задаам.

Дузди ишқам ману дишаб раҳи дилҳо задаам,
Муҷрими ишқаму дар маҳкама ҳошо задаам.
Аз чӣ дар ишқи туам шуҳраву ангуштнамо?
Ман, ки ҳарфи дили худро ба ту танҳо задаам.

Сӯхт азбаски зи ғам болу пари Наврӯзӣ, (2)
Хаймаву хонаву хиргоҳ ба саҳро задаам.

Дузди ишқам ману дишаб раҳи дилҳо задаам,
Муҷрими ишқаму дар маҳкама ҳошо задаам.
Аз чӣ дар ишқи туам шуҳраву ангуштнамо?
Ман, ки ҳарфи дили худро ба ту танҳо задаам.

Шеър аз Муҳтарами Наврӯзӣ

35/122

Дур аз ту ҳар шаб то саҳар

Таҳрири охирини матн 23.06.2020

1. Аз AM_Album_10 Yaare Bewafa:

Дур аз ту ҳар шаб то саҳар гирён чу шамъи маҳфилам,
То худ чӣ бошад ҳосиле аз гиряи беҳосилам. (2)
Чун соя дур аз рӯйи ту, уфтодаам дар кӯйи ту, (2)
Чашми умедам сӯйи ту, вой аз умеди ботилам.
Дур аз ту ҳар шаб то саҳар гирён чу шамъи маҳфилам,
То худ чӣ бошад ҳосиле аз гиряи беҳосилам.
Лабрези ашкам, ҷом ку? Он оби оташфом ку? (2)
В-он мояи ором ку, то чора созад мушкилам? (2)
Дур аз ту ҳар шаб то саҳар гирён чу шамъи маҳфилам,
То худ чӣ бошад ҳосиле аз гиряи беҳосилам.
Дар ишқу мастӣ додаам буду набуди хештан, (2)
Ай соқии мастон, бигӯ, девонаам ё ғофилам? (2)
Дур аз ту ҳар шаб то саҳар гирён чу шамъи маҳфилам,
То худ чӣ бошад ҳосиле аз гиряи беҳосилам.

2. Аз Music_Centre_Vol-04
Ahmad Zahir Ba Sitara Haa:

Дур аз ту ҳар шаб то саҳар гирён чу шамъи маҳфилам,
То худ чӣ бошад ҳосиле аз гиряи беҳосилам.
Дур аз ту ҳар шаб то саҳар гирён чу шамъи маҳфилам,
То худ чӣ бошад ҳосиле аз гиряи беҳосилам.
Лабрези ашкам, ҷом ку? Он оби оташфом ку? (2)
В-он мояи ором ку, то чора созад мушкилам?
Дур аз ту ҳар шаб то саҳар гирён чу шамъи маҳфилам,
То худ чӣ бошад ҳосиле аз гиряи беҳосилам.
Чун соя дур аз рӯйи ту, уфтодаам дар кӯйи ту, (2)
Чашми умедам сӯйи ту, вой аз умеди ботилам.
Дур аз ту ҳар шаб то саҳар гирён чу шамъи маҳфилам,
То худ чӣ бошад ҳосиле аз гиряи беҳосилам.

3. Аз Radio_Album3:

Дур аз ту ҳар шаб то саҳар гирён чу шамъи маҳфилам,
То худ чӣ бошад ҳосиле аз гиряи беҳосилам.
(2)
Чун соя дур аз рӯйи ту, уфтодаам дар кӯйи ту, (2)
Чашми умедам сӯйи ту, вой аз умеди ботилам.
Дур аз ту ҳар шаб то саҳар гирён чу шамъи маҳфилам,
То худ чӣ бошад ҳосиле аз гиряи беҳосилам.
Лабрези ашкам, ҷом ку? Он оби оташфом ку? (2)
В-он мояи ором ку, то чора созад мушкилам?
Дур аз ту ҳар шаб то саҳар гирён чу шамъи маҳфилам,
То худ чӣ бошад ҳосиле аз гиряи беҳосилам.
(2)
Дур аз ту ҳар шаб то саҳар гирён чу шамъи маҳфилам!

МАТНИ ШЕЪР:
Дур аз ту ҳар шаб то саҳар гирён чу шамъи маҳфилам,
То худ чӣ бошад ҳосиле аз гиряи беҳосилам.
Чун соя дур аз рӯйи ту, уфтодаам дар кӯйи ту,
Чашми умедам сӯйи ту, вой аз умеди ботилам.
Азбаски бо ҷону дилам, ай ҷону дил, омехтӣ,
Чун накҳат аз оғӯши гул бӯйи ту хезад аз гилам.
Лабрези ашкам, ҷом ку? Он оби оташфом ку?
В-он мояи ором ку, то чора созад мушкилам?
Дар кори ишқам ёри дил, огоҳам аз асрори дил,
Ғофил наям аз кори дил в-аз кори дунё ғофилам.
Дар ишқу мастӣ додаам буду набуди хештан,
Ай соқии мастон, бигӯ, девонаам ё ғофилам?
Чун ашк меларзад дилам аз мавҷи гесуе, Раҳӣ,
Бо он ки дар тӯфони ғам дарёдилам, дарё дилам!

Шеър аз Раҳии Муайирӣ.
Оҳанг аз филми ҳиндии «Номи ман масхарабоз»

36/123

Дӯстат дорам, валло-биллоҳ

Таҳрири охирини матн 26.06.2020

Аз ?Music_Centre_Vol-05 Too Bamanee:

Дӯстат дорам, валло-биллоҳ, валло-биллоҳ,
Аз ман мешӣ, иншоллоҳ. (2)
(2)

Агарчи ҳастем ҷудо, (2)
Оқибат, ай дилрабо,
Агарчи ҳастем ҷудо,
Оқибат, ай дилрабо,
Ошиқу маъшуқаро
Ба ҳам расонад Худо! (2)

Дӯстат дорам, валло-биллоҳ,
Аз ман мешӣ, иншоаллоҳ. (2)

Куҷо зи каф медиҳам, (2)
Домани васли туро?!
Куҷо зи каф медиҳам, (2)
Домани васли туро?!
Мову ту ҳастем ҳамеш,
Ду рӯҳ ба як тан, буто. (2)

Дӯстат дорам, валло-биллоҳ, валло-биллоҳ,
Аз ман мешӣ, иншоллоҳ. (2)
(4)

Шеър ва оҳанги Шоҳвалӣ Валии Таронасоз

37/124

Дӯстат дорам ҳамеша
(Ҳамеша, ҳамеша)

Аз AM_Album_12 Ahmad Zahir wa Jila:

Дӯстат дорам ҳамеша, ҳамеша,
Ошиқтар аз ман куҷо пайдо меша?
Намеша, намеша.
Кокули ту пареша, пареша,
Вақте ки кӯтоҳ кунӣ, зебо меша.
Ҳамеша, ҳамеша.
(2)

Ошиқи зорат манам, мунису ёрат манам,
Гар маро элоҳ кунӣ, дилбари ман, мезанам,
Монанди Фарҳод худама ба теша,
Ошиқтар аз ман куҷо пайдо меша?
Намеша, намеша.

Дӯстат дорам ҳамеша, ҳамеша,
Ошиқтар аз ман куҷо пайдо меша?
Намеша, намеша.
Кокули ту пареша, пареша,
Вақте ки кӯтоҳ кунӣ, зебо меша.
Ҳамеша, ҳамеша.

Ҳамраҳи ман ранг назан, бо ман гап аз ҷанг назан,
Ман дили нозук дорам, ба шишаам санг назан.
Қалби ман аст, дилбари ман, чу шиша,
Ошиқтар аз ман куҷо пайдо меша?
Намеша, намеша.

Дӯстат дорам ҳамеша, ҳамеша,
Ошиқтар аз ман куҷо пайдо меша?
Намеша, намеша.
Кокули ту пареша, пареша,
Вақте ки кӯтоҳ кунӣ, зебо меша.
Ҳамеша, ҳамеша.

Шохаи шамшоди ман, сӯхтӣ бунёди ман,
То дами мурдан, буто, кай равӣ аз ёди ман?
Карда ба дил ишқи ту шоху реша,
Ошиқтар аз ман куҷо пайдо меша?
Намеша, намеша.

Дӯстат дорам ҳамеша, ҳамеша,
Ошиқтар аз ман куҷо пайдо меша?
Намеша, намеша.
Кокули ту пареша, пареша,
Вақте ки кӯтоҳ кунӣ, зебо меша.
Ҳамеша, ҳамеша.
(3)

Дӯстат дорам ҳамеша, ҳамеша,
Ошиқтар аз ман куҷо пайдо меша?
Намеша, намеша.
(3)

Шеър ва оҳанги Шоҳвалӣ Валии Таронасоз

А  Б  В  Г  Ғ  Д  Ё  З  И  К  Қ  Л  М  Н  О 
П  Р  С  Т  У  Ф  Х  Ҳ  Ч  Ҷ  Ш  Я 

&

Агар дар матн хатое ёфтед, хоҳиш, онро ҷудо карда, Ctrl+Enter-ро пахш намоед.

Бо дӯстонатон баҳам бинед:

Андешаатонро баён кунед

E-mail-и Шумо нашр намешавад. Хоначаҳои ҳатмӣ бо * ишора карда шудаанд

Ёбед:

Барои ҳарфро гузоштан тугмаро пахш кунед.