Аҳмад Зоҳир. ҲЧҶШЯ. Сиву чаҳор суруд

1/261

Ҳавои ишқи ту

Таҳрири охирини матн 09.07.2020

Аз AM_Album_2 Bahar:

Ҳавои ишқи ту аз сар бадар нахоҳад рафт,
Касе, ки бар дарат омад, дигар нахоҳад рафт.
(2)

Марон зи майкада, соқӣ, маро фурсат деҳ,
Касе, ки нимашаб омад, саҳар нахоҳад рафт.
(2)

Ҳавои ишқи ту аз сар бадар нахоҳад рафт,
Касе, ки бар дарат омад, дигар нахоҳад рафт.

Ба ваъдагоҳ, ҳамон шаб, ки гиря мекардам,
Магар нагуфт, ки бе мо сафар нахоҳад рафт.
(2)

Ҳавои ишқи ту аз сар бадар нахоҳад рафт,
Касе, ки бар дарат омад, дигар нахоҳад рафт.
(2)

2/262

Ҳама ёронам ба парешонӣ

Таҳрири охирини матн 16.07.2020

Аз AM_Album_3 Shab ha ye zulmane:

Ҳама ёронам ба парешонӣ, ки сияҳ шому саҳаре дорам, (2)
Дили ман, ин нукта ту медонӣ, ки ба торикӣ қамаре дорам.

Ҳама гӯяндам, ки раҳояш кун,
Ҳама гӯяндам, ки раҳояш кун, гила гар дорӣ ба Худояш кун,
Дилу дин фориғ зи ҷафояш кун, чӣ кунам ман гӯши каре дорам.

Ҳама ёронам ба парешонӣ, ки сияҳ шому саҳаре дорам,
Дили ман, ин нукта ту медонӣ, ки ба торикӣ қамаре дорам.

Чӣ хато дидӣ, чӣ ҷафо дидӣ,
Чӣ хато дидӣ, чӣ ҷафо дидӣ, чӣ ба ғайр аз меҳру вафо дидӣ,
Ҳама шаб вирди даҳанам будӣ, ки ба ширинӣ шакаре дорам.

Ҳама ёронам ба парешонӣ, ки сияҳ шому саҳаре дорам, (2)
Дили ман, ин нукта ту медонӣ, ки ба торикӣ қамаре дорам.

МАТНИ ШЕЪР: (Таронаи андуҳ)
Ҳама ёронам ба парешонӣ, ки сияҳ шому саҳаре дорам,
Дили ман, ин нукта ту медонӣ, ки ба торикӣ қамаре дорам.
Санамам будӣ, гули ёсу суманам будӣ,
Ҳама шаб вирди даҳанам будӣ, ки ба ширинӣ шакаре дорам.
Чӣ хато дидӣ, чӣ ҷафо дидӣ, чӣ ба ғайр аз меҳру вафо дидӣ?
Ки чу гул хандидиву бишкуфтӣ, чу бидидӣ чашми таре дорам.
Ҳама гӯяндам, ки раҳояш кун, гила гар дорӣ ба Худояш кун,
Дилу дин фориғ зи ҷафояш кун, чӣ кунам ман гӯши каре дорам.

Шеър аз доктор Маҳдии Ҳамидӣ

3/261

Ҳама рӯз аз ту ба қаҳрам

Таҳрири охирини матн 16.07.2020

Аз AM_Album_3 Shab ha ye zulmane:

Ҳама рӯз аз ту ба қаҳрам, ҳама шаб бо ту ба ҷангам,
Ҳама лабрези фиғонам, ба фиғон аз дили тангам.
(2)

Пари дил боз намудам, раҳи парвоз кушудам, (2)
Пару болам ту шикастӣ, задӣ азбаски ба сангам. (2)

Ҳама рӯз аз ту ба қаҳрам, ҳама шаб бо ту ба ҷангам,
Ҳама лабрези фиғонам, ба фиғон аз дили тангам.
(2)

Дили ман ин дили шайдо, зи ту он сон шуда расво, (2)
Ки дигар мункири номам, ки дигар душмани нангам. (2)

Ҳама рӯз аз ту ба қаҳрам, ҳама шаб бо ту ба ҷангам,
Ҳама лабрези фиғонам, ба фиғон аз дили тангам.
Ба фиғон аз дили тангам.

Ҳама рӯз аз ту ба қаҳрам, ҳама шаб бо ту ба ҷангам,
Ҳама лабрези фиғонам, ба фиғон аз дили тангам.

Шеър аз Носири Таҳурӣ

4/264

Ҳамаш дарду ҳамаш ранҷу ҳамаш ғам
(Бача нашу, ай дил)

Таҳрири охирини матн 16.07.2020

1. Аз Music_Centre_Vol-02 Ashiq Rooyat Man:

Ҳамаш дарду ҳамаш ранҷу ҳамаш ғам,
Ҳамин қисмати ман буд аз олам.

Бача нашу, ай дил, (2)
Ишқа фаромӯш кун, (2)
То нашудӣ берун
Ишқа фаромӯш кун.
Бас-а дигар, бас-а дигар сӯхтан,
Шуълара хомӯш кун.
Бача нашу, ай дил. (2)

Ҳамаш дарду ҳамаш ранҷу ҳамаш ғам,
Ҳамин қисмати ман буд аз олам.
Ҳамаш гӯшаи танҳоӣ нишастан,
Ҳамаш шохаи уммед шикастан.

Бача нашу, ай дил, (2)
Ишқа фаромӯш кун,
То нашудӣ берун
Ишқа фаромӯш кун.
Бас-а дигар, бас-а дигар сӯхтан,
Шуълара хомӯш кун.
Бача нашу, ай дил,
Ишқа фаромӯш кун.

Ҳама ҳарфҳо ёдеш рафт,
Муҳаббатҳо ёдеш рафт.
Дигар барнамегардад,
Дилам лонаи дард аст. (2)

Ҳамаш дарду ҳамаш ранҷу ҳамаш ғам,
Ҳамин қисмати ман буд аз олам.
Ҳамаш гӯшаи танҳоӣ нишастан,
Ҳамаш шохаи уммед шикастан.

Бача нашу, ай дил, (2)
Ишқа фаромӯш кун,
То нашудӣ берун
Ишқа фаромӯш кун.
Бас-а дигар, бас-а дигар сӯхтан,
Шуълара хомӯш кун.
Бача нашу, ай дил,(2)
Ишқа фаромӯш кун.
Бача нашу, ай дил,
Ишқа фаромӯш кун.

2. Аз ?Албум Vol-01:

Ҳамаш дарду ҳамаш ранҷу ҳамаш ғам,
Ҳамин қисмати ман буд аз олам.
Ҳамаш гӯшаи танҳоӣ нишастан,
Ҳамаш шохаи уммед шикастан.

Бача нашу, ай дил, (2)
Ишқа фаромӯш кун,
То нашавӣ расво,
Ҳарфи мара гӯш кун.
Бас-а дигар, бас-а дигар сӯхтан,
Шуълара хомӯш кун.
Бача нашу, ай дил. (2)

Ҳама ҳарфҳо ёдеш рафт, (2)
Муҳаббатҳо ёдеш рафт.
Дигар барнамегардад,
Дилам лонаи дард аст. (2)

Ҳамаш дарду ҳамаш ранҷу ҳамаш ғам,
Ҳамин қисмати ман буд аз олам.
Ҳамаш гӯшаи танҳоӣ нишастан,
Ҳамаш шохаи уммед шикастан.

Бача нашу, ай дил, (2)
Ишқа фаромӯш кун,
Бас-а дигар, бас-а дигар сӯхтан,
Шуълара хомӯш кун.
Бача нашу, ай дил,
Ишқа фаромӯш кун,
То нашавӣ расво,
Ҳарфи мара гӯш кун.

5/265

Ҳамчу най менолам

Таҳрири охирини матн 16.07.2020

Аз Mahfeli_Album5:

Ҳамчу най менолам аз савдои дил, (2)
Оташе дар сина дорам ҷойи дил, ҷойи дил. (2)
(2)

Дил, агар аз ман гурезад, войи ман, войи ман, войи ман, (2)
Ғам, агар аз дил гурезад, войи дил, войи дил. (2)
Ҳамчу най менолам аз савдои дил, (2)
Оташе дар сина дорам ҷойи дил, ҷойи дил. (2)

Мо зи расвоӣ баландовозаем, (2)
Овозаем, овозаем,
Номвар шуд, ҳар кӣ шуд расвои дил, расвои дил. (2)

Ҳамчу най менолам аз савдои дил, (2)
Оташе дар сина дорам ҷойи дил, ҷойи дил. (3)

МАТНИ ШЕЪР:
Ҳамчу най менолам аз савдои дил,
Оташе дар сина дорам ҷойи дил.
Ман, ки бо ҳар доғ пайдо сохтам,
Сӯхтам аз доғи нопайдои дил.
Ҳамчу мавҷам, як нафас ором нест,
Баски тӯфонзо бувад дарёи дил.
Дил, агар аз ман гурезад, войи ман,
Ғам, агар аз дил гурезад, войи дил.
Мо зи расвоӣ баландовозаем,
Номвар шуд, ҳар ки шуд расвои дил.
Хонаи мӯр асту манзилгоҳи бум,
Осмон бо ҳиммати волои дил.
Ганҷи мунъим хирмани симу зар аст,
Ганҷи ошиқ — гавҳари яктои дил.
Дар миёни ашки навмедӣ, Раҳӣ,
Хандам аз уммедвориҳои дил.

Шеър аз Раҳии Муайирӣ

6/266

Ҳанӯз бар лаби ман

Таҳрири охирини матн 16.07.2020

Аз AM_Album_14 Shab-e Hijraan:

Ҳанӯз бар лаби ман (3)
Ҳанӯз бар лаби ман ҷойи бӯсаҳои ту ҳаст,
Ҷойи бӯсаҳои ту ҳаст,
Ҷойи бӯсаҳо,
Ҳанӯз мавҷзанон (3)
Ҳанӯз мавҷзанон дар дилам ҳавои ту ҳаст.
Дар дилам ҳавои ту ҳаст.
Дар дилам ҳаво.

Ҳанӯз гумшуда дилдори ошнои манӣ,
Ошнои манӣ,
(2)
Ки нестӣ ту, вале ёди ту ба ҷойи ту ҳаст.
Ба ҷойи ту ҳаст.

Ба боғ рафтам аз он раҳ, ки бо ту рафтам дӯш,
Бо ту рафтам дӯш,
(2)
Ҳанӯз гӯйӣ, ки андар фазо садои ту ҳаст.
Садои ту ҳаст.

Ҳанӯз бар лаби ман (3)
Ҳанӯз бар лаби ман ҷойи бӯсаҳои ту ҳаст,
Ҷойи бӯсаҳои ту ҳаст,
Ҷойи бӯсаҳо,
Ҳанӯз мавҷзанон (3)
Ҳанӯз мавҷзанон дар дилам ҳавои ту ҳаст.
Дар дилам ҳавои ту ҳаст.
Дар дилам ҳаво.

Шеър аз Парвини Бомдод

7/267

Ҳар мӯйи ман

Ҳар мӯйи ман аз ишқат байту ғазале гашта,
Ҳар узви ман аз завқат хумми асале гашта.
Хуршеди ҳамал рӯят, дарёи асал хӯят,
Ҳар зарра зи хуршедат соҳибамале гашта.
Ин дил зи ҳавои ту дилро ба ҳаво дода,
В-ин ҷон зи лиқои ту бурҷи ҳамалӣ гашта.

8/268

Ҳар ҷо ки сафар кардам

Таҳрири охирини матн 16.07.2020

Аз Music_Centre_Vol-02 Ashiq Rooyat Man:

Ҳар ҷо ки сафар кардам, ту ҳамсафарам будӣ,
В-аз ҳар тарафе рафтам, ту роҳбарам будӣ. (2)

Ҳар ҷо ки сафар кардам,
Ҳар ҷо ки сафар кардам, ту ҳамсафарам будӣ,
В-аз ҳар тарафе рафтам, ту роҳбарам будӣ.
Ту роҳбарам будӣ.

Бо ҳар кӣ сухан гуфтам, посух зи ту бишнуфтам,
Бар ҳар кӣ назар кардам, ту дар назарам будӣ.
(2)

Ҳар ҷо ки сафар кардам,
Ҳар ҷо ки сафар кардам, ту ҳамсафарам будӣ,
В-аз ҳар тарафе рафтам, ту роҳбарам будӣ.
Ту роҳбарам будӣ.

Дар субҳдами ишрат ҳамдӯши ту мерафтам,
Дар шомгаҳи ғурбат болини сарам будӣ.
(2)

Ҳар ҷо ки сафар кардам,
Ҳар ҷо ки сафар кардам, ту ҳамсафарам будӣ,
В-аз ҳар тарафе рафтам, ту роҳбарам будӣ. (2)
Ҳар ҷо ки сафар кардам, ту ҳамсафарам будӣ,
В-аз ҳар тарафе рафтам, ту роҳбарам будӣ.

МАТНИ ШЕЪР:
Ҳар ҷо ки сафар кардам, ту ҳамсафарам будӣ,
В-аз ҳар тарафе рафтам, ту роҳбарам будӣ.
Бо ҳар ки сухан гуфтам, посух зи ту бишнуфтам,
Бар ҳар ки назар кардам, ту дар назарам будӣ.
Ҳар шаб, ки қамар тобид, ҳар субҳ, ки сар зад шамс,
Дар гардиши рӯзу шаб шамсу қамарам будӣ.
Дар субҳдами ишрат ҳамдӯши ту мерафтам,
Дар шомгаҳи ғурбат болини сарам будӣ.
Дар хандаи ман чун ноз дар кунҷи лабам хуфтӣ,
Дар гиряи ман чун ашк дар чашми тарам будӣ.
Чун тарҳи ғазал кардам, байтулғазалам гаштӣ,
Чун арзи ҳунар кардам, зеби ҳунарам будӣ.
Овоз, чу мехондам, сӯзи ту ба созам буд,
Парвоз, чу мекардам, ту болу парам будӣ.
Ҳаргиз дили ман ҷуз ту ёри дигаре нагзид,
В-ар хост, ки бигзинад, ёри дигарам будӣ.
Сармад ба диёри худ, аз роҳ расида, гуфт:
«Ҳар ҷо ки сафар кардам, ту ҳамсафарам будӣ».

Шеър аз Содиқи Сармад

10/270

Ҳаргиз, ҳаргиз, ҳаргиз

Таҳрири охирини матн 16.07.2020

1-2. Аз Mahfeli_Album2 ва ?Албум Vol-01:

Ҳаргиз, ҳаргиз, ҳаргиз бе ту намехандам,
Бе ту ишқе бар дил ҳаргиз намебандам.

Худо, Худо, Худоё,
Агар ба коми ман
Ҷаҳон нагардонӣ,
Ҷаҳон бисӯзонам.

Манам, ки дар дил зи номуродӣ фасонаҳо дорам,
Манам, ки чун гул шукуфта бар лаб таронаҳо дорам.
Ҳаргиз, ҳаргиз, ҳаргиз бе ту намехандам,
Бе ту ишқе бар дил ҳаргиз намебандам. (2)

Шеър аз Муҳаммад Алии Шерозӣ

11/271

Ҳарчанд ки дур аз туву

Таҳрири охирини матн 16.07.2020

1. Аз AM_Album_2 Bahar:

Ҳарчанд ки дур аз туву пеши дигаронам,
Ҳар ҷо ки равам, номи ту ояд ба забонам.
(2)

Аҳволи ту аз хатти қашанги ту биҷӯям, (2)
Ҳаррӯза ба раҳ мунтазири номарасонам.
Ҳар ҷо ки равам, номи ту ояд ба забонам.

Ҳарчанд ки дур аз туву пеши дигаронам,
Ҳар ҷо ки равам, номи ту ояд ба забонам.

Оре, бахудо, бе ту сари зистанам нест, (2)
Нодидани рӯйи ту таҳаммул натавонам.
Ҳар ҷо ки равам, номи ту ояд ба забонам.

Ҳарчанд ки дур аз туву пеши дигаронам,
Ҳар ҷо ки равам, номи ту ояд ба забонам.

Ҳар ҷо ки равам, ёди туро мекунад ин дил, (2)
Дар қалби манӣ, гарчи миёни дигаронам.
Ҳар ҷо ки равам, номи ту ояд ба забонам.

Ҳарчанд ки дур аз туву пеши дигаронам,
Ҳар ҷо ки равам, номи ту ояд ба забонам.

2. Аз Radio_Album4:

Ҳарчанд ки дур аз туву пеши дигаронам,
Ҳар ҷо ки равам, номи ту ояд ба забонам.
(2)

Оре, бахудо, бе ту сари зистанам нест, (2)
Нодидани рӯйи ту таҳаммул натавонам.
Ҳар ҷо ки равам, номи ту ояд ба забонам.

Ҳарчанд ки дур аз туву пеши дигаронам,
Ҳар ҷо ки равам, номи ту ояд ба забонам.

Аҳволи ту аз хатти қашанги ту биҷӯям, (2)
Ҳаррӯза ба раҳ мунтазири номарасонам.
Ҳар ҷо ки равам, номи ту ояд ба забонам.

Ҳарчанд ки дур аз туву пеши дигаронам,
Ҳар ҷо ки равам, номи ту ояд ба забонам.
(2)

12/272

Ҳошо, ки ман ба мавсими гул

Таҳрири охирини матн 16.07.2020

Аз Ariana-Music_Vol-02 Mosum-e Gul:

Ҳошо, ки ман ба мавсими гул тарки май кунам,
Ман лофи ақл мезанам, ин кор кай кунам?
(2)
Ҳошо, ки ман ба мавсими гул…

Аз қолуқили мадраса ҳолӣ дилам гирифт, (2)
Якчанд низ хидмати маъшуқу май кунам.

Ҳошо, ки ман ба мавсими гул тарки май кунам,
Ман лофи ақл мезанам, ин кор кай кунам?
Ҳошо, ки ман ба мавсими гул…

Хоки маро чу дар азал аз май сириштаанд, (2)
Бо муддаӣ бигӯ, ки чаро тарки вай кунам?

Ҳошо, ки ман ба мавсими гул тарки май кунам,
Ман лофи ақл мезанам, ин кор кай кунам?
Ҳошо, ки ман ба мавсими гул…

МАТНИ ШЕЪР:
Ҳошо, ки ман ба мавсими гул тарки май кунам,
Ман лофи ақл мезанам, ин кор кай кунам?
Мутриб куҷост, то ҳама маҳсули зуҳду илм,
Дар кори чангу барбату овози най кунам.
Аз қилуқоли мадраса ҳолӣ дилам гирифт,
Якчанд низ хидмати маъшуқу май кунам.
Кай буд дар замона вафо? Ҷоми май биёр,
То ман ҳикояти Ҷаму Ковусу Кай кунам.
Аз номаи сиёҳ натарсам, ки рӯзи ҳашр
Бо файзи лутфи ӯ сад аз ин нома тай кунам.
Ку пайки субҳ, то гилаҳои шаби фироқ,
Бо он хуҷастатолеи фархундапай кунам!
Ин ҷони орият, ки ба Ҳофиз супурд дӯст,
Рӯзе рухаш бубинаму таслими вай кунам.

Шеър аз Ҳофизи Шерозӣ

13/273

Ҳуснат рабояд обутоб

Таҳрири охирини матн 17.07.2020

Аз Music_Centre_Vol-03 Lylee Jaan:

Ҳуснат рабояд обутоб аз офтоб, ай моҳтоб, (2)
Баркан саҳобе чун ниқоб, ай боҳиҷоб, ай моҳтоб.
Ай боҳиҷоб, ай моҳтоб.

Ай тоҷи зар, иклили шаб, (2)
Ай нуқриён қандили шаб, (2)
Ай боиси таҷлили шаб,
Зарринҳубоб, ай моҳтоб.
Ҳуснат рабояд обутоб аз офтоб, ай моҳтоб.

Дар партават май мезанам, (2)
Ҷоми паёпай мезанам. (2)
Бе ту қадаҳ кай мезанам,
Бар ман битоб, ай моҳтоб.
Баркан саҳобе чун ниқоб, ай боҳиҷоб, ай моҳтоб.

Ай киштии зарринапӯш, (2)
Бошӣ равон, лекин хамӯш, (2)
Дар баҳри беҷӯшу хурӯш,
Беизтироб, ай моҳтоб.
Ҳуснат рабояд обутоб аз офтоб, ай моҳтоб,
Баркан саҳобе чун ниқоб, ай боҳиҷоб, ай моҳтоб.
Ай боҳиҷоб, ай моҳтоб. (5)

14/274

Чаро дишаб ба сӯйи ман намедидӣ, намедидӣ

Таҳрири охирини матн 17.07.2020

Аз AM_Album_14 Shab-e Hijraan:

Чаро дишаб ба сӯйи ман намедидӣ, намедидӣ,
Намедидӣ, намедидӣ,
(2)
Ниҳонӣ ҳам ба сӯйи ман нахандидӣ, нахандидӣ.
Нахандидӣ, нахандидӣ.
Тағофул буд ё аз будани ағёр тарсидӣ. (2)

Мабодо, нозанини ман, зи ман ту саргарон бошӣ,
О-о-…
Мабодо, нозанини ман, зи ман ту саргарон бошӣ,
Худо нохоста, ай ҷон, ба ҳарфи ину он бошӣ.
Намедидӣ, нахандидӣ. (2)

Чаро дишаб ба сӯйи ман намедидӣ, намедидӣ,
Намедидӣ, намедидӣ,
Ниҳонӣ ҳам ба сӯйи ман нахандидӣ, нахандидӣ.
Нахандидӣ, нахандидӣ.
Тағофул буд ё аз будани ағёр тарсидӣ. (2)

Тамоми шаб аз ин ғам, дилбари ман, хуни дил хӯрдам,
О-о-…
Тамоми шаб аз ин ғам, дилбари ман, хуни дил хӯрдам,
Ба оҳу гиряву зорӣ шаби худро ба сар бурдам.
Намедидӣ, нахандидӣ. (2)

Чаро дишаб ба сӯйи ман намедидӣ, намедидӣ,
Намедидӣ, намедидӣ,
Ниҳонӣ ҳам ба сӯйи ман нахандидӣ, нахандидӣ.
Нахандидӣ, нахандидӣ.
Тағофул буд ё аз будани ағёр тарсидӣ. (2)

15/275

Чашм ба роҳат, дил ба ёдат

Таҳрири охирини матн 17.07.2020

Аз Music_Centre_Vol-01 Neshe Gashdum:

Чашм ба роҳат, дил ба ёдат, гиря кардам,
Сари шаб то саҳар гиря кардам, гиря кардам. (2)
(2)

Ба маҳмил мерасидам, корвон мегзашту мерафт,
Уҳу-ҳу аҳа-ҳа
(2)
Ту ҷони манӣ, ҷонам ба фидоят, рӯҳам гузашту мерафт.

Чашм ба роҳат, дил ба ёдат, гиря кардам,
Сари шаб то саҳар гиря кардам, гиря кардам. (2)
(2)

Ба пеши шабравон фарёд кардам аз ҷафоят,
Уҳу-ҳу аҳа-ҳа
(2)
Аз ман ту мапурсидӣ сели сиришкам рехта пеши поят.

Чашм ба роҳат, дил ба ёдат, гиря кардам,
Сари шаб то саҳар гиря кардам, гиря кардам. (2)
(2)

16/276

Чашми сияҳ дорӣ, қурбонет шавум ман

Таҳрири охирини матн 17.07.2020

Аз AM_Album_4 Madar:

Чашми сияҳ дорӣ, қурбонет шавум ман,
Хона куҷо дорӣ, меҳмонет шавум ман.
(2)
Зулфи сияҳ дорӣ, қурбонет шавум ман,
Хона куҷо дорӣ, меҳмонет шавум ман.

Сарет ошиқ шудам, рӯета қурбон,
Чашми сияҳ дорӣ, қурбонет шавум ман,
Хона куҷо дорӣ, меҳмонет шавум ман.

Гирифтори туам, мӯета қурбон.
Чашми сияҳ дорӣ, қурбонет шавум ман,
Хона куҷо дорӣ, меҳмонет шавум ман.

Ҳазорон рози дил ногуфта гуфтӣ,
Чашми сияҳ дорӣ, қурбонет шавум ман,
Хона куҷо дорӣ, меҳмонет шавум ман.

Ду чашмони сухангӯета қурбон.
Чашми сияҳ дорӣ, қурбонет шавум ман,
Хона куҷо дорӣ, меҳмонет шавум ман.
Зулфи сияҳ дорӣ, қурбонет шавум ман,
Хона куҷо дорӣ, меҳмонет шавум ман.

Агар ёри маро дидӣ ба хилват,
Чашми сияҳ дорӣ, қурбонет шавум ман,
Хона куҷо дорӣ, меҳмонет шавум ман.

Бигӯ, ай бевафо, ай бемурувват,
Чашми сияҳ дорӣ, қурбонет шавум ман,
Хона куҷо дорӣ, меҳмонет шавум ман.

Гиребонро зи дастат чок кардам,
Чашми сияҳ дорӣ, қурбонет шавум ман,
Хона куҷо дорӣ, меҳмонет шавум ман.

Нахоҳам дӯхт то рӯзи қиёмат.
Чашми сияҳ дорӣ, қурбонет шавум ман,
Хона куҷо дорӣ, меҳмонет шавум ман.

Чашми сияҳ дорӣ, қурбонет шавум ман,
Хона куҷо дорӣ, меҳмонет шавум ман.
Зулфи сияҳ дорӣ, қурбонет шавум ман,
Хона куҷо дорӣ, меҳмонет шавум ман.

Чашми сияҳ дорӣ, қурбонет шавум ман,
Хона куҷо дорӣ, меҳмонет шавум ман.
(2)

17/277

Чи беҳуда, чи сода

Таҳрири охирини матн 17.07.2020

Аз AM_Album_3 Shab ha ye zulmane:

Чи беҳуда, чи сода, мани ошиқи хаста,
Як умре ба ҳавои туву ишқи ту давидам,
Вале аз ту ҷавобе нашунидам, нашунидам. (2)

Чи беҳуда, чи сода, мани ошиқи хаста,
Як умре ба ҳавои туву ишқи ту давидам,
Вале аз ту ҷавобе нашунидам, нашунидам.

Ба ҷуз ишқи покам ту аз ин дил чӣ мехостӣ,
Чаро рост нагуфтӣ ту, агар маро намехостӣ,
Дигар дӯстат надорам, бирав зуд аз канорам,
Бирав зуд аз канорам.

Чи беҳуда, чи сода, мани ошиқи хаста,
Як умре ба ҳавои туву ишқи ту давидам,
Вале аз ту ҷавобе нашунидам, нашунидам. (2)

Ту будӣ саробе, ки фиреби туро хӯрдам, (2)
Дареғо аз ин дил, ки ба дасти ту супурдам,
Дигар дӯстат надорам, бирав зуд аз канорам,
Бирав зуд аз канорам.

Чи беҳуда, чи сода, мани ошиқи хаста,
Як умре ба ҳавои туву ишқи ту давидам,
Вале аз ту ҷавобе нашунидам, нашунидам. (2)

18/278

Чӣ гармӣ, чӣ хубӣ

Таҳрири охирини матн 17.07.2020

Аз ?Music_Centre_Vol-05 Too Bamanee:

Чӣ гармӣ, чӣ хубӣ, шаробӣ, чӣ ҳастӣ? (2)
Баҳорӣ, гулӣ, офтобӣ, чӣ ҳастӣ? (2)

Шудам шод, ту то бар рухам ханда кардӣ, (2)
Ту бахти манӣ, моҳтобӣ, чӣ ҳастӣ? (2)

Чӣ гармӣ, чӣ хубӣ, шаробӣ, чӣ ҳастӣ? (2)
Баҳорӣ, гулӣ, офтобӣ, чӣ ҳастӣ? (2)

Лаби ташнаам аз ту коме нагирад, (2)
Фиребӣ, дурӯғӣ, саробӣ, чӣ ҳастӣ? (2)

Чӣ гармӣ, чӣ хубӣ, шаробӣ, чӣ ҳастӣ? (2)
Баҳорӣ, гулӣ, офтобӣ, чӣ ҳастӣ? (2)

Туро аз ту мепурсам, ай хуби хомӯш, (2)
Чӣ ҳастӣ, Худоро, ҷавобе, чӣ ҳастӣ? (2)

Чӣ гармӣ, чӣ хубӣ, шаробӣ, чӣ ҳастӣ? (2)
Баҳорӣ, гулӣ, офтобӣ, чӣ ҳастӣ? (2)

МАТНИ ШЕЪР:
Чӣ гармӣ, чӣ хубӣ, шаробӣ, чӣ ҳастӣ?
Баҳорӣ, гулӣ, офтобӣ, чӣ ҳастӣ?
Чӣ ҳастӣ, ки оташ ба ҷонам кашидӣ,
Суруди хушӣ, шеъри нобӣ, чӣ ҳастӣ?
Чӣ ширин нишастӣ ба бахти вуҷудам,
Худоро, ғамӣ, илтиҳобӣ, чӣ ҳастӣ?
Фурӯғе, ки аз чашми ман мегурезӣ,
Ва ё, ай ҳама хуб, хобӣ, чӣ ҳастӣ?
Шудам шод, то ханда кардӣ ба рӯям,
Ту бахти манӣ, моҳтобӣ, чӣ ҳастӣ?
Лаби ташнаам аз ту коме нагирад,
Фиребӣ, дурӯғӣ, саробӣ, чӣ ҳастӣ?
Ту аз духтарони турунҷи тиллоӣ,
Ва ё аз париҳои обӣ, чӣ ҳастӣ?
Туро аз ту мепурсам, ай хуби хомӯш,
Чӣ ҳастӣ, Худоро, ҷавобе, чӣ ҳастӣ?

Шеър аз Ҳусайни Мунзавӣ

19/279

Чӣ хилоф сар зад аз мо

Таҳрири охирини матн 17.07.2020

1. Аз AM_Album_7 Sultan Qalbam:

Чӣ хилоф сар зад аз мо, ки дари сарой бастӣ,
Бари душманон нишастӣ, дили дӯстон шикастӣ.
(2)

Сари шонаро шикастам ба баҳонаи татовул,
Ки ба ҳалқа-ҳалқа зулфат накунад дароздастӣ.
(2)
Чӣ хилоф сар зад аз мо, ки дари сарой бастӣ,
Бари душманон нишастӣ, дили дӯстон шикастӣ.
(2)

Ба камоли узр гуфтам, ки ба лаб расида ҷонам,
Зи ғурури ноз гуфтӣ, ки магар ҳанӯз ҳастӣ?
(2)
Чӣ хилоф сар зад аз мо, ки дари сарой бастӣ,
Бари душманон нишастӣ, дили дӯстон шикастӣ.
(2)

Зи тавофи Каъба бигзар, ту, ки Ҳақ намешиносӣ,
Ба дари куништ маншин, ту ки бут намепарастӣ.
(2)
Чӣ хилоф сар зад аз мо, ки дари сарой бастӣ,
Бари душманон нишастӣ, дили дӯстон шикастӣ.
(2)

2. Аз Music_Centre_Vol-04
Ahmad Zahir Ba Sitara Haa:

Чӣ хилоф сар зад аз мо, ки дари сарой бастӣ,
Бари душманон нишастӣ, дили дӯстон шикастӣ.
(2)

Сари шонаро шикастам ба баҳонаи татовул,
Ки ба ҳалқа-ҳалқа зулфат накунад дароздастӣ.
(2)
Чӣ хилоф сар зад аз мо, ки дари сарой бастӣ,
Бари душманон нишастӣ, дили дӯстон шикастӣ.
(2)

Ба камоли узр гуфтам, ки ба лаб расида ҷонам,
Зи ғурури ноз гуфтӣ, ки магар ҳанӯз ҳастӣ?
(2)
Чӣ хилоф сар зад аз мо, ки дари сарой бастӣ,
Бари душманон нишастӣ, дили дӯстон шикастӣ.
(2)

МАТНИ ШЕЪР:

Чӣ хилоф сар зад аз мо, ки дари сарой бастӣ,
Бари душманон нишастӣ, дили дӯстон шикастӣ.

Сари шонаро шикастам ба баҳонаи татовул,
Ки ба ҳалқа-ҳалқа зулфат накунад дароздастӣ.

Зи ту хоҳиши ғаромат накунад тане, ки куштӣ,
Зи ту орзуи марҳам накунад диле, ки хастӣ.

Касе аз харобаи дил нагирифта боҷ ҳаргиз,
Ту ба он хироҷ бастиву ба салтанат нишастӣ.

Ба қаламрави муҳаббат дари хонае нарафтӣ,
Ки ба покиаш нарафтиву ба сахтиаш набастӣ.

Ба камоли узр гуфтам, ки ба лаб расида ҷонам,
Зи ғурури ноз гуфтӣ, ки магар ҳанӯз ҳастӣ?

Зи тавофи Каъба бигзар, ту, ки Ҳақ намешиносӣ,
Ба дари куништ маншин, ту ки бут намепарастӣ.

Ту, ки тарки сар нагуфтӣ, зи паяш чӣ гуна рафтӣ?
Ту, ки нақди ҷон надодӣ, зи ғамаш чӣ гуна растӣ?

Агарат ҳавои тоҷ аст, бибӯс хоки пояш,
Ки бад-ин мақоми олӣ нарасӣ магар ба пастӣ.

Магар аз даҳони соқӣ мададе расад, вагарна,
Кас аз ин шароби боқӣ нарасад ба ҳеҷ мастӣ.

Магар аз узор сар зад хати он писар, Фурӯғӣ,
Ки ба сад ҳазор тундӣ зи каманди шавқ ҷастӣ.

Шеър аз Фурӯғии Бастомӣ

20/280

Чӣ шабҳо ба ёдат ба кунҷи ҷудоӣ…

Таҳрири охирини матн 17.07.2020

1. Аз AM_Album_9 Gulbadan:

Чӣ шабҳо ба ёдат ба кунҷи ҷудоӣ,
Ба ёдат кашидам майи арғувонӣ.
Шудам девона, девонаи рӯят, (2)
Шудам девона, о, девонаи рӯят.

Ману ёди талхи ту ороми туст, (2)
Ту ғофил зи фарёди шабҳои ман. (2)
Чӣ девона
Чӣ девона будам, чӣ девонаам ман.
Дареғи ман, ай дӯстон, вой бар ман,
Ки ҳастам девона, девонаи рӯят. (2)

Чӣ шабҳо ба ёдат ба кунҷи ҷудоӣ,
Ба ёдат кашидам майи арғувонӣ.
Шудам девона, девонаи рӯят. (2)

Чӣ хуш месурудӣ ҳадису тарона,
Шабе шамъ бо сӯзу сози шабона. (2)
Чӣ девона
Чӣ девона будам, чӣ девонаам ман.

Чӣ шабҳо ба ёдат ба кунҷи ҷудоӣ,
Ба ёдат кашидам майи арғувонӣ.
Шудам девона, девонаи рӯят, (2)
Шудам девона, о, девонаи рӯят.
Шудам девона, девонаи рӯят. (4)

2. Аз Radio_Album3:

Чӣ шабҳо ба ёдат ба кунҷи ҷудоӣ,
Ба ёдат кашидам майи арғувонӣ.
Шудам девона, девонаи рӯят. (3)

Ману ёди талхи ту ороми туст,
Ту ғофил зи фарёди шабҳои ман. (2)
Чӣ девона
Чӣ девона будам, чӣ девонаам ман.
Дареғи ман, ай дӯстон, вой бар ман, (2)
Ки ҳастам девона, девонаи рӯят.
Ҳастам девона, о девонаи рӯят.

Чӣ хуш месурудӣ ҳадису тарона,
Шабе шамъ бо сӯзу сози шабона.
Шудам парвона, парвонаи рӯят. (2)

Чӣ шабҳо ба ёдат ба кунҷи ҷудоӣ,
Ба ёдат кашидам майи арғувонӣ.
Шудам девона, девонаи рӯят,
Шудам девона, о, девонаи рӯят.
Шудам девона, девонаи рӯят.
(4)

Шеър аз Абдулатифи Нозимӣ

21/281

Чӣ шуд, ки рехт ба ҳам боз ошёнаи мо

Таҳрири охирини матн 17.07.2020

Аз Music_Centre_Vol-04
Ahmad Zahir Ba Sitara Haa:

Чӣ шуд, ки рехт ба ҳам боз ошёнаи мо,
Зи ғам гусехт чаро тору пуди хонаи мо.
Чӣ шуд, ки рехт ба ҳам боз ошёнаи мо.

Дилат насӯхт бар ин муштипар, чаро додӣ, (2)
Ба маҳди оташи бедод ошёнаи мо?

Чӣ шуд, ки рехт ба ҳам боз ошёнаи мо,
Зи ғам гусехт чаро тору пуди хонаи мо.

Мабош дар пайи озори мо, ки метарсам, (2)
Ҷаҳон ба бод диҳад нолаи шабонаи мо.

Чӣ шуд, ки рехт ба ҳам боз ошёнаи мо,
Зи ғам гусехт чаро тору пуди хонаи мо.
Чӣ шуд, ки рехт ба ҳам боз ошёнаи мо.

22/282

Чу дарахти фарвардин пуршукуфта шуд ҷонам

Таҳрири охирини матн 17.07.2020

Аз Ariana-Music_Vol-02 Mosum-e Gul:

Чу дарахти фарвардин пуршукуфта шуд ҷонам,
Домане зи гул дорам, бар чӣ кас бияфшонам?
(2)
Ай насими ҷонпарвар, имшаб аз барам бигзар,
В-арна инчунин пургул то саҳар намемонам. (2)
Лал-лал-лал-ла, ла-ла, ла-ла-ла-лал-ла (2)

Дар миёни маҳтобам дар хамӯшии шабҳо, (2)
Ҳамчу кӯҳи побарҷо сар бинеҳ ба домонам. (2)

Чу дарахти фарвардин пуршукуфта шуд ҷонам,
Домане зи гул дорам, бар чӣ кас бияфшонам?
Ай насими ҷонпарвар, имшаб аз барам бигзар,
В-арна инчунин пургул то саҳар намемонам.
Лал-лал-лал-ла, ла-ла, ла-ла-ла-лал-ла (2)

Кас ба базми майхорон, ҳоли ман намедонад, (2)
З-он ки бо дили пурхун чун пиёла хандонам. (2)

Чу дарахти фарвардин пуршукуфта шуд ҷонам,
Домане зи гул дорам, бар чӣ кас бияфшонам?
(2)
Ай насими ҷонпарвар, имшаб аз барам бигзар,
В-арна инчунин пургул то саҳар намемонам.
Лал-лал-лал-ла, ла-ла, ла-ла-ла-лал-ла (11)

МАТНИ ШЕЪР:
Чу дарахти фарвардин пуршукуфта шуд ҷонам,
Домане зи гул дорам, бар чӣ кас бияфшонам?
Ай насими ҷонпарвар, имшаб аз барам бигзар,
В-арна инчунин пургул то саҳар намемонам.
Лолавор хуршеде дар дилам шукуфо шуд,
Сад баҳори гармизо сар зад аз зимистонам.
Донаи умед охир, шуд ниҳол, бор овард,
Сад ҷавона пайдо шуд, аз талоши пинҳонам.
Бӯйи ёсуман дорад хобгоҳи оғӯшам,
Ранги настаран дорад шонаҳои урёнам.
Шеъри ҳамчу удамро оташи дилам сӯзад,
Мавҷи атр аз он рақсад дар дили шабистонам.
Кас ба базми майхорон, ҳоли ман намедонад,
З-он ки бо дили пурхун чун пиёла хандонам.
Дар китоби дил, Симин, ҳарфи ишқ меҷӯям,
Рӯйи гуна меларзад сояҳои мижгонам.

Шеър аз Симини Беҳбаҳонӣ

23/283

Чун саҳар равшан чароғи зиндагӣ

Таҳрири охирини матн 17.07.2020

Аз Radio_Album5:

Чун саҳар равшан чароғи зиндагӣ,
Бар замину осмони зиндагӣ.
Лаҳни довудӣ ба гӯши мардумон,
Мардумони нотавон
Шуд танинандоз:
Хатм соз ин бандагӣ! (3)

Оғоз гашта зиндагӣ. (2)
Озод аз бими фано,
Оғоз шуд пояндагӣ. (2)
Даври сарафрозист, (2)
Озод аз шармандагӣ. (3)

Пиру барнои Ватан,
Кӯдакону марду зан,
Бо суруру бо нишот, (2)
Кафзанон, шодикунон, (2)
Яксухан, ба як забон:
«Ай ту, умеди ҷавону пири ман, (3)
Хуш омадӣ, хуш омадӣ».

Хуш омадӣ, ғурури мо,
Хуш омадӣ, сурури мо,
Хуш омадӣ, хуш омадӣ.
Бо иттиҳод даст диҳем,
Бо иттифоқи ҳамдигар,
Бинои адли пойдор,
Бинои адл омадӣ,
Ба ин ризои эзадӣ, (2)
Хуш омадӣ, хуш омадӣ. (2)

Хуш омадӣ, ғурури мо,
Хуш омадӣ, сурури мо.
Хуш омадӣ, хуш омадӣ.
Хуш омадӣ, ғурури мо,
Хуш омадӣ, хуш омадӣ.
Хуш омадӣ, сурури мо,
Хуш омадӣ, хуш омадӣ.

24/284

Ҷумҳурӣ муборак
(Муборак, муборак)

Таҳрири охирини матн 17.07.2020

Аз Radio_Album5:

Муборак…
Ҷумҳурӣ…
Ҷумҳурӣ муборак,
Муборак, муборак.

Муборак, муборак,
Ҷумҳурии мо муборак!
(2)
Ҷавонон, каф занед, бихонед, биболед, бигӯед:
Ҷумҳурии мо муборак!
(2)
Муборак, муборак,
Ҷумҳурии мо муборак!

Субҳи ҷумҳурӣ расид,
Шоми сияҳ сар расид,
Шишаи зулмат шикаст,
Пардаи ғамҳо дарид.
(2)
Муборак, муборак,
Ҷумҳурии мо муборак!
(2)
Ҷавонон, каф занед, бихонед, биболед, бигӯед:
Ҷумҳурии мо муборак!
(2)

Биё, чу абри баҳор,
Ашк зи шодӣ бибор,
Ки решакан мешавад,
Фақр зи афғондиёр.
(2)
Муборак, муборак,
Ҷумҳурии мо муборак!
(2)
Ҷавонон, каф занед, бихонед, биболед, бигӯед:
Ҷумҳурии мо муборак!
(2)
Муборак, муборак,
Ҷумҳурии мо муборак!
(3)

25/285

Шаб чу дар бастаму маст аз майи нобаш кардам

Таҳрири охирини матн 17.07.2020

Аз AM_Album_6 Ghulam-e Qamar:

Шаб чу дар бастаму маст аз майи нобаш кардам, (2)
Моҳ, агар
Моҳ, агар ҳалқа ба дар кӯфт, ҷавобаш кардам. (2)

Манзили мардуми бегона чу шуд мардуми чашм, (2)
Он қадар гиря намудам, ки харобаш кардам. (2)

Шаб чу дар бастаму маст аз майи нобаш кардам,
Моҳ, агар
Моҳ, агар ҳалқа ба дар кӯфт, ҷавобаш кардам.

Ғарқи хун буду намемурд зи ҳасрат Фарҳод, (2)
Хондам афсонаи Ширину ба хобаш кардам. (2)

Шаб чу дар бастаму маст аз майи нобаш кардам,
Моҳ, агар ҳалқа ба дар кӯфт, ҷавобаш кардам. (2)
Шаб чу дар бастаму маст аз майи нобаш кардам. (3)

МАТНИ ШЕЪР:
Шаб чу дар бастаму маст аз майи нобаш кардам,
Моҳ, агар ҳалқа ба дар кӯфт, ҷавобаш кардам.
Дидӣ он турки Хато душмани ҷон буд маро,
Гарчи умре ба хато дӯст хитобаш кардам.
Манзили мардуми бегона чу шуд хонаи чашм,
Он қадар гиря намудам, ки харобаш кардам.
Шарҳи доғи дили парвона чу гуфтам бо шамъ,
Оташе дар дилаш афкандаму обаш кардам.
Ғарқи хун буду намемурд зи ҳасрат Фарҳод,
Хондам афсонаи Ширину ба хобаш кардам.
Дил, ки хунобаи ғам буду ҷигар гӯшаи дард,
Бар сари оташи ҷаври ту кабобаш кардам.
Зиндагӣ кардани ман мурдани тадриҷӣ буд,
Он чӣ ҷон канд танам, умр ҳисобаш кардам.

Шеър аз Фаррухии Яздӣ

26/286

Шабе зи шабҳо, ману ту танҳо

Таҳрири охирини матн 17.07.2020

Аз Radio_Album2:

Шабе зи шабҳо, ману ту танҳо,
Ба мавҷи дарё хира медидем.
Зебо, фиребе дар саҳро,
Ман бо таманно, бе ранҷу савдо.

Он шаб, ки рафтӣ, аз ман чӣ дидӣ?
Дилам шикастӣ, аз ман буридӣ.
Рафтӣ куҷо ту, ай дидаҷоду,
Аз ман рамидӣ монанди оҳу.
Куҷо?

Шабе дигар ҳам, ману дилу ғам,
Ба пойи гулҳо қисса мекардем.
Чӣ шабҳо бемору танҳо
Нола сар додам, гиряҳо кардам.

Шаби сияҳ буд, на нури маҳ буд,
Шабе, ки ёрам зи ман ҷудо буд.
Чу ӯ хабар шуд, ғамам басар шуд,
Ситораҳо мурд, шабам саҳар шуд.
Худо!

Шабе зи шабҳо, ману ту танҳо,
Ба мавҷи дарё хира медидем.
Зебо, ай дидашаҳло,
Ман бо таманно, бе ранҷу савдо. (2)

Шеър аз Иқбол Раҳбари Тухӣ

27/287

Шаберо бо ман, ай моҳи саҳархезон

Таҳрири охирини матн 17.07.2020

Аз Music_Centre_Vol-03 Lylee Jaan:

Шаберо бо ман, ай моҳи саҳархезон саҳар кардӣ, (2)
Саҳар чун офтоб аз ошёни ман сафар кардӣ. (2)

Чу ду мурғи диловезе ба танге ҳам шудем, афсӯс, (2)
Ҳумои ман, паридиву маро беболу пар кардӣ. (2)

Шаберо бо ман, ай моҳи саҳархезон саҳар кардӣ,
Саҳар чун офтоб аз ошёни ман сафар кардӣ.

Магар аз гӯшаи чашме дигар тарҳи дигар резӣ, (2)
Ки аз он як назар бунёди ман зеру забар кардӣ. (2)

Шаберо бо ман, ай моҳи саҳархезон саҳар кардӣ,
Саҳар чун офтоб аз ошёни ман сафар кардӣ. (4)

МАТНИ ШЕЪР:
Шаберо бо ман, ай моҳи саҳархезон саҳар кардӣ,
Саҳар чун офтоб аз ошёни ман сафар кардӣ.
Ҳанӯзам аз шабистони вафо бӯйи абир ояд,
Ки чун шамъи абирогин шабе бо ман саҳар кардӣ.
Сафо кардиву дарвешӣ, бимирам хоки поятро,
Ки шоҳи муҳташам будиву бо дарвеш сар кардӣ.
Чу ду мурғи диловезе ба танги ҳам шудем, афсӯс,
Ҳумои ман, паридиву маро беболу пар кардӣ.
Магар аз гӯшаи чашме дигар тарҳе дигар резӣ,
Ки аз он як назар бунёди ман зеру забар кардӣ.
Ба ёди чашми ту унсам бувад бо лолаи ваҳшӣ,
Ғизоли ман, маро саргаштаи кӯҳу камар кардӣ.
Ба гардишҳои чашми осмонӣ аз ҳамон аввал,
Маро дар ишқ аз ин офоқгардиҳо хабар кардӣ.
Ба шеъри Шаҳриёр акнун сар афшонанд дар офоқ,
Чӣ хуш пиронасар моро ба шайдоӣ самар кардӣ.

Шеър аз Муҳаммад Ҳусайни Шаҳриёр

28/288

Шабҳои зулмонӣ

Таҳрири охирини матн 17.07.2020

1. Аз AM_Album_3 Shab ha ye zulmane:

Шабҳои зулмонӣ, (2)
Миёни тӯфонҳо, (2)

Овора қалби ман дар дашту биёбонҳо.
Бо сад армонҳо.
(2)

Абрҳои сияҳ,
Бар рухи ахтарон, (2)

Ашк аз чашми ман равон шуд чу боронҳо,
Бо сад армонҳо.
(2)

Шӯри ту дар сари ман, ишқи ту дар дили ман,
Нақши ту ҷовидонӣ.
(2)
Шабҳои тор бе ту резам зи дидаи дил,
Сиришки арғувонӣ.

Шабҳои зулмонӣ, миёни тӯфонҳо,
Овора қалби ман дар дашту биёбонҳо.
Бо сад армонҳо.

Шоми фироқ даррасид, субҳи умед тира шуд,
Ба дил ситораҳои шаб зи яъсу ранҷ хира шуд.
(2)
Орзу хок шуд, (2)
Чашм дар интизор, дар умеди висол,
Шарҳи ҷонсӯзи ман шуд баланд ба осмонҳо, (2)
Бо сад армонҳо.

Шабҳои зулмонӣ, миёни тӯфонҳо,
Овора қалби ман дар дашту биёбонҳо.
Бо сад армонҳо.

Абрҳои сияҳ, бар рухи ахтарон,
Ашк аз чашми ман равон шуд чу боронҳо,
Бо сад армонҳо.

Ай хушо шабҳои маҳтоб, ки дар канори ман будӣ,
Ё ба гулзору бӯстонҳо дар ихтиёри ман будӣ,
Дар ихтиёри ман будӣ,
Гузашт он замонҳо, хазон шуд он баҳорҳо, ба дил бимонд доғҳо, (2)
Орзу хок шуд, (2)
Чашм дар интизор,
Шарҳи ҷонсӯзи ман шуд ба олам достонҳо,
Бо сад армонҳо.

Шабҳои зулмонӣ, миёни тӯфонҳо,
Миёни тӯфонҳо,
Овора қалби ман дар дашту биёбонҳо.
Бо сад армонҳо.

Шабҳои зулмонӣ…

2. Аз Radio_Album2:

Шабҳои зулмонӣ,
Миёни тӯфонҳо, (2)

Овора қалби ман дар дашту биёбонҳо.
Бо сад армонҳо.
(2)

Абрҳои сияҳ,
Бар рухи ахтарон, (2)

Ашк аз чашми ман шуд равон чу боронҳо,
Бо сад армонҳо.
(2)

Шӯри ту дар сари ман, ишқи ту дар дили ман,
Нақши ту ҷовидонӣ.
Шабҳои тор бе ту резам зи дидаи дил,
Сиришки арғувонӣ. (2)

Шабҳои зулмонӣ, миёни тӯфонҳо,
Овора қалби ман дар дашту биёбонҳо.
Бо сад армонҳо.

Шоми фироқ даррасид, субҳи умед тира шуд,
Ба дил ситораҳои шаб зи яъсу ранҷ хира шуд.
(2)
Шоми фироқ даррасид.

Ай хушо шабҳои маҳтоб, ки дар канори ман будӣ,
Ё ба гулзору бӯстонҳо дар ихтиёри ман будӣ,
Гузашт он замонҳо, хазон шуд он баҳорҳо, ба дил бимонд доғҳо,
Орзу хок шуд, (2)
Чашм дар интизор, дар умеди висол,
Шарҳи ҷонсӯзи ман шуд ба олам достонҳо,
Бо сад армонҳо.

Шабҳои зулмонӣ… (5)

Шеър аз Салими Сармаст

29/289

Шабҳои равшан танҳо нишинем

Таҳрири охирини матн 17.07.2020

1. Аз Music_Centre_Vol-02 Ashiq Rooyat Man:

(Ҳушт-ҳушт)

Шабҳои равшан танҳо нишинем,
Дар паҳлуи ҳам, дар нури маҳтоб.
То бод хезад, ноланда аз кӯҳ,
То нур уфтад, ларзанда бар об.
(2, байти 2)

Дар кӯҳ печад дилкаш садое,
Аз дур ояд гулбонги ное, (2)
Ғамҳои дилро бо ҳам бигӯем, (2)
Ман бо ниёзе, ту бо адое. (2)

(Ҳушт-ҳушт)

2. Аз Radio_Album2:

Шабҳои равшан танҳо нишинем,
Дар паҳлуи ҳам, дар нури маҳтоб.
То бод хезад, ноланда аз кӯҳ,
То нур уфтад, ларзанда бар об.

Дар кӯҳ печад дилкаш садое,
Аз дур ояд гулбонги ное,
Ғамҳои дилро бо ҳам бигӯем,
Ман бо ниёзе, ту бо адое.

Шабҳои равшан танҳо нишинем,
Дар паҳлуи ҳам, дар нури маҳтоб.
То бод хезад, ноланда аз кӯҳ,
То нур уфтад, ларзанда бар об.

МАТНИ ШЕЪР:
Шабҳои равшан танҳо нишинем,
Дар паҳлуи ҳам, дар нури маҳтоб.
То бод хезад, ноланда аз кӯҳ,
То нур уфтад, ларзанда бар об.
Дар кӯҳ печад дилкаш садое,
Аз дур ояд гулбонги ное,
Ғамҳои дилро бо ҳам бигӯем,
Ман бо ниёзе, ту бо адое.
З-ин оби хандон оина бандам,
То субҳ бинӣ рӯйи чу моҳат.
Аз шохи сунбул шаб шона созам,
То барфишонӣ мӯйи сиёҳат.
Ин хилвати ишқ, ин шоми зебо,
Ин ларзиши мавҷ, ин рақси ахтар,
Ман дида пурхун, ту гул ба доман,
Ман шеър бар лаб, ту шӯр бар сар.
Боди баҳорон аз баъди мурдан,
Бар турбати ман з-ин гул бикорӣ.
Ай абри найсон, бар мадфани ман,
Дар пойи ин кӯҳ ашке биборӣ.
Бо нолаи зор, бо савти маҳзун,
Бар рӯйи он қабр, булбул, ту ҳам боз.
Чандон бинолӣ, к-андар дили хок,
Аз нолаи ту нолам ба овоз.

Шеър аз Халилуллоҳи Халилӣ

30/290

Шикаст аҳди ману гуфт
(Ҳар чӣ буд, гузашт)

Таҳрири охирини матн 17.07.2020

Аз AM_Album_5 Awara:

Шикаст аҳди ману гуфт: «ҳар чӣ буд, гузашт»,
Ба гиря гуфтамаш: «оре, вале чӣ зуд гузашт».
(2)

Чӣ хотироти хуше бар дилам ба ҷой гузошт, (2)
Шабе, ки бо ту маро дар канори рӯд гузашт.
Шикаст аҳди ману гуфт: «ҳар чӣ буд, гузашт».

Шикаст аҳди ману гуфт: «ҳар чӣ буд, гузашт»,
Ба гиря гуфтамаш: «оре, вале чӣ зуд гузашт».

Баҳор буду ту будиву ишқ буду умед, (2)
Баҳор рафту ту рафтиву ҳар чӣ буд, гузашт.
Ба гиря гуфтамаш: «оре, вале чӣ зуд гузашт».

Шикаст аҳди ману гуфт: «ҳар чӣ буд, гузашт»,
Ба гиря гуфтамаш: «оре, вале чӣ зуд гузашт».

МАТНИ ШЕЪР:
Шикаст аҳди ману гуфт: «ҳар чӣ буд, гузашт»,
Ба гиря гуфтамаш: «оре, вале чӣ зуд гузашт».
Баҳор буду ту будиву ишқ буду умед,
Баҳор рафту ту рафтиву ҳар чӣ буд, гузашт.
Шабе ба умрам агар хуш гузашт, он шаб буд,
Ки дар канори ту ба нағмаву суруд гузашт.
Чӣ хотироти хуше бар дилам ба ҷой гузошт,
Шабе, ки бо ту маро дар канори рӯд гузашт.
Кушуд бас гиреҳ он шаб зи кори бастаи мо,
Сабо чу аз бари он зулфи мушксуд гузашт.
Ғамин мабошу маяндеш аз ин сафар, ки туро
Агарчи бар дили нозук ғаме фузун гузашт.

Шеър аз Эраҷи Деҳқон

31/291

Шикоят дорам
(Ҳаволадор ба ту мегӯям)

Таҳрири охирини матн 17.07.2020

1. Аз AM_Album_8 Az Ghamat Ay Nazaneen:

Шикоят дорам, (3)
Ҳаволадор ба ту мегӯям. (3)

Зи дасти дидаву дил ҳар ду фарёд,
Ҳар он чӣ дида бинад, дил кунад ёд,
Бисозам ханҷаре нӯкаш зи фӯлод,
Занам бар дида, то дил гардад озод.

Шикоят дорам, (3)
Ҳаволадор ба ту мегӯям. (3)

Камонабру, камонатро бибӯсам,
Синонмижгон, синонатро бибӯсам.
Камандафкан, бигир он гесувонро,
Садафдандон, лабонатро бибӯсам.

Шикоят дорам, (3)
Ҳаволадор ба ту мегӯям. (3)

Зи роҳи дида дар дил хона кардӣ,
Зи пастӣ хонаро вайрона кардӣ.
Нагӯям з-он чӣ кардӣ ё накардӣ,
Фақат як гап: «маро девона кардӣ!»

Шикоят дорам, (3)
Ҳаволадор ба ту мегӯям. (3)
Шикоят дорам. (5)

2. Аз Music_Centre_Vol-01 Neshe Gashdum:

Шикоят дорам, (2)
Ҳаволадор ба ту мегӯям. (2)
(2)

Зи дасти дидаву дил ҳар ду фарёд,
Ҳар он чӣ дида бинад, дил кунад ёд,
Бисозам ханҷаре нӯкаш зи фӯлод,
Занам бар дида, то дил гардад озод.

Шикоят дорам, (2)
Ҳаволадор ба ту мегӯям. (2)
(2)

Зи роҳи дида дар дил хона кардӣ,
Зи пастӣ хонаро вайрона кардӣ.
Нагӯям з-он чӣ кардӣ ё накардӣ,
Фақат як гап: «маро девона кардӣ!»

Шикоят дорам, (2)
Ҳаволадор ба ту мегӯям. (2)
Шикоят дорам. (7)

32/292

Шодӣ кунед, ай дӯстон

Таҳрири охирини матн 17.07.2020

1‒2. Аз AM_Album_8 Az Ghamat Ay Nazaneen
ва AM_Album_11 Lylee:

Шодӣ кунед, ай дӯстон, (2)
Ман шодаму осудаам, (2)
Бӯйи ҷавонӣ бишнавед аз пайкари фарсудаам.

Шодам кунун, (2)
Аз банд озодам кунун, (2)
Фарёди шодӣ мекашад, табъи худододам кунун.
Шодӣ кунед, ай дӯстон.

Ай кӯдакони раҳгузар, (2)
Ман чун шумо осудаам, (2)
Ҳарчанд роҳи умрро пеш аз шумо паймудаам.

Шодӣ кунед, ай дӯстон, (2)
Ман шодаму осудаам, (2)
Бӯйи ҷавонӣ бишнавед аз пайкари фарсудаам.
Шодӣ кунед, ай дӯстон.

Бозӣ кунем, ай кӯдакон, (2)
Бозист кори зиндагӣ, (2)
Ман ҳам хазонро дидаам, ҳам навбаҳори зиндагӣ.

Шодӣ кунед, ай дӯстон, (2)
Ман шодаму осудаам, (2)
Бӯйи ҷавонӣ бишнавед аз пайкари фарсудаам.
Шодӣ кунед, ай дӯстон.

Дар кулбаи ороми ман (2)
Оромишу шодӣ бувад, (2)
Гар нағма мехонад дилам, гулбонги озодӣ бувад.

Шодӣ кунед, ай дӯстон, (2)
Ман шодаму осудаам, (2)
Бӯйи ҷавонӣ бишнавед аз пайкари фарсудаам.
Шодӣ кунед, ай дӯстон. (7, 4)

3. Аз ?Албум Vol-01:

Шодӣ кунед, ай дӯстон, (2)
Ман шодаму осудаам, (2)
Бӯйи ҷавонӣ бишнавед
Аз пайкари фарсудаам. (2)
Шодӣ кунед, ай дӯстон.
Ман шодаму осудаам.

Ай кӯдакони раҳгузар, (2)
Ман чун шумо осудаам, (2)
Ҳарчанд роҳи умрро пеш аз шумо паймудаам.

Шодӣ кунед, ай дӯстон, (2)
Ман шодаму осудаам, (2)
Бӯйи ҷавонӣ бишнавед
Аз пайкари фарсудаам. (2)
Шодӣ кунед, ай дӯстон. (2)

Дигар нахоҳад дид кас (2)
Афсурдаву ғамгин маро, (2)
Шодӣ шиори ман бувад, озодагӣ оин маро.

Шодӣ кунед, ай дӯстон, (2)
Ман шодаму осудаам, (2)
Бӯйи ҷавонӣ бишнавед
Аз пайкари фарсудаам. (2)
Шодӣ кунед, ай дӯстон. (4)
Ман шодаму осудаам.

МАТНИ ШЕЪР:
Шодӣ кунед, ай дӯстон, ман шодаму осудаам,
Бӯйи ҷавонӣ бишнавед аз пайкари фарсудаам.
Бо банди ишқу орзу пойи ҷавонӣ бастаам,
Гӯйӣ, ки паймони навин бо зиндагонӣ бастаам.
Шодам кунун, шодам кунун, аз банд озодам кунун,
Фарёди шодӣ мекашад табъи худодам кунун.
Ай кӯдакони раҳгузар, ман чун шумо осудаам,
Ҳарчанд роҳи умрро пеш аз шумо паймудаам.
Дигар нахоҳад дид кас афсурдаву ғамгин маро,
Шодӣ шиори ман бувад,озодагӣ ойин маро.
Дар осмони толеам хуршеди пирӯзӣ дамад,
Бар гулбуни пажмурдаам гулҳои наврӯзӣ дамад.
Ҳарчанд пиру хастаам, айши ҷавонӣ мекунам,
Як бори дигар оштӣ бо зиндагонӣ мекунам.
Бозӣ кунед, ай кӯдакон, бозӣ-ст кори зиндагӣ,
Ман ҳам хазонро дидаам, ҳам навбаҳори зиндагӣ.
Дар кулбаи ороми ман оромишу шодӣ бувад,
Гар нағма мехонад дилам, гулбонги озодӣ бувад.

Шеър аз Абулҳасани Варзӣ. Бо тавассути ихлосманди ҳақиқии Аҳмади Зоҳир – Комилҷон Аҳроров ба банда дастрас гардид.

33/293

Шуд абр пора-пора

Таҳрири охирини матн 17.07.2020

Аз Music_Centre_Vol-03 Lylee Jaan:

Шуд абр пора-пора, чашмак бизан ситора, (2)
Кардӣ дили маро шод, тобон шудӣ дубора.
Дидӣ, ки дорамат дӯст, кардӣ ба ман ишора.
Шуд абр пора-пора, чашмак бизан ситора.

Дар шаб чароғи роҳӣ, (2)
Равшан ба мисли моҳӣ, (2)
Тобандаву қашангӣ,
Алмоси тоҷи шоҳӣ. (2)
Баҳ-баҳ, чӣ хушнамойӣ, зебову хушадоӣ.
Шуд абр пора-пора, чашмак бизан ситора. (3)

Ман хобаму ту бедор, (2)
Ман бехабар, ту ҳушёр, (2)
Вақте ки роҳатам ман,
Ту кор мекунӣ, кор, (2)
Ба ҳар ишораи худ додӣ ту нози бисёр.

Шуд абр пора-пора, чашмак бизан ситора, (2)
Кардӣ дили маро шод, тобон шудӣ дубора.
Дидӣ, ки дорамат дӯст, кардӣ ба ман ишора.

Шеър аз Аббос Ямини Шариф

34/294

Шунидам, аз ин ҷо сафар мекунӣ

Шунидам, аз ин ҷо сафар мекунӣ,
Ту оҳанги шаҳри дигар мекунӣ.
Хаёли ман аз сар бадар мекунӣ.
Ҳамон лаҳзаи ошноии ту
Гумон бурда будам ҷудоии ту.
Ту ишқофарин булбули гулшанӣ,
Ҷудо аз ману рӯзу шаб бо манӣ.
Зи дурӣ ба ҷонам шарар мезанӣ.
Ҳамон лаҳзаи ошноии ту
Гумон бурда будам ҷудоии ту.
Ба поси сафои сиришкам, биё!
Ҳазар аз сафар кун, барои Худо!
Куҷо меравӣ, орзуям, куҷо?
Ҳамон лаҳзаи ошноии ту
Гумон бурда будам ҷудоии ту.